ଓଡିଶା ଛୁଇଁଲା ଦକ୍ଷିଣ-ପଶ୍ଚିମ ମୌସୁମୀ ବାୟୁ

ଭୁବନେଶ୍ୱର : ଗୁରୁବାର ଓଡିଶା ଛୁଇଁଲା ଦକ୍ଷିଣ- ପଶ୍ଚିମ ମୌସୁମୀ ବାୟୁ। ମାଲକାନଗିରି, ଗଜପତି, କୋରାପୁଟକୁ ଛୁଇଁଲା ମୌସୁମୀ। ଆଗାମୀ ୨ ଦିନ ମଧ୍ୟରେ ସାରା ଓଡିଶାକୁ ଅଗ୍ରସର ହେବ। ମୌସୁମୀ ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ବର୍ଷା ହୋଇଛି। ଆଜି ପୂର୍ବାହ୍ନରୁ ରାଜଧାନୀରେ ବର୍ଷା ଲାଗି ରହିଛି। ଏହାସହ କଟକରେ ମଧ୍ୟ ବର୍ଷା ହୋଇଛି।
ଭୁବନେଶ୍ୱରର ଓଲ୍ଡ ଟାଉନ୍‌‌, ଏୟାରପୋର୍ଟ,ଖଣ୍ଡଗିରି ଅଞ୍ଚଳରେ ବର୍ଷା ହୋଇଥିବା ବେଳେ ମାଉସୀମା ମନ୍ଦିର ଅଞ୍ଚଳ ରାସ୍ତାରେ ଆଣ୍ଠୁଏ ଉଚ୍ଚର ପାଣି ଜମା ହୋଇଥିଲା। ଦିନ ସାଢେ ୧୧ଟା ସୁଦ୍ଧା ରାଜଧାନୀରେ ୫୯.୮ ମିମି ବର୍ଷା ରେକର୍ଡ ହୋଇଛି। କଟକର ଅନେକ ସ୍ଥାନରେ ଘଡଘଡି ସହ ବର୍ଷା ହୋଇଛି।