ମେଷ: ପ୍ରଥମେ ମନରେ ଦ୍ବିଧାଭାବ ଜାତ ହୋଇପାରେ। ପର ମୁହୂର୍ତ୍ତରେ ଦୃଢ଼ ନିଶ୍ଚୟୀ ହେବେ। ମନ ପ୍ରଫୁଲ୍ଲ ରହିବ। ପ୍ରିୟଭାଷୀ ହେବେ। ହର୍ଷଯୁକ୍ତ ହେବେ। ଧନାଗମ ହେବ। ଭାଗ୍ୟବାନ୍ ହେବେ। ସୁସ୍ଥ ରହିବେ।
ବୃଷ: ତ୍ୟାଗପୂତ ମନୋବୃତ୍ତିର ହୋଇପାରନ୍ତି। ବିବିଧ ଉପାୟରେ ଧନ ଅର୍ଜନ କରିବେ। ବନ୍ଧୁମେଳରେ ଉତ୍ସବରେ ମାତି ପାରନ୍ତି। ଶୌର୍ଯ୍ୟଶାଳୀ ହେବେ। ହାସ୍ୟ ସୁଖୀ ହେବେ। କର୍ମଚଞ୍ଚଳ ରହିବେ।
ମିଥୁନ: ଉପାର୍ଜନ ଊଣା ହେବ ନାହିଁ। ଅପାର ଗୁଣର ଆଧାର ହୋଇପାରନ୍ତି। ମୂଲ୍ୟବାନ୍ ନବବସ୍ତ୍ର ପରିଧାନ କରି ଆନନ୍ଦ ଉତ୍ସବରେ ଯୋଗ ଦେବେ। ନାନା ପ୍ରକାର ସୁସ୍ବାଦୁ ଭୋଜନରେ ଆପ୍ୟାୟିତ ହୋଇପାରନ୍ତି।
କର୍କଟ: ଶତ୍ରୁମାନଙ୍କ ଉପରେ ସାମୟିକ ଭାବେ କ୍ରୋଧ ପ୍ରକାଶ କରିପାରନ୍ତି। ବିଧିଜ୍ଞ ହେବେ। ସନ୍ମାର୍ଗୀ ହେବେ। କୀର୍ତ୍ତିମାନ୍ ହେବେ। ଶତ୍ରୁ ବିନାଶକାରୀ ହେବେ। ବନ୍ଧୁ ମେଳରେ ଧନ ବ୍ୟୟ କରିବେ।
ସିଂହ: ନାନାବିଧ ସମ୍ମାନର ଅଧିକାରୀ ହେବେ। ଯାନବାହନ ସୁଖ ମିଳିବ। କୀର୍ତ୍ତିମାନ୍ ହେବେ। ଅସାଧ୍ୟ ସାଧନ କରିପାରନ୍ତି। ସରକାରୀ ଆର୍ଥିକ ସହାୟତା ମିଳିବ। ସତ୍କର୍ମରେ ନିଜକୁ ନିୟୋଜିତ କରିପାରନ୍ତି।
କନ୍ୟା: କର୍ମକ୍ଷେତ୍ରରୁ ଅପୂର୍ବ ସଫଳତା ମିଳିବ। ପ୍ରତିଯୋଗିତାରେ କୃତିତ୍ବ ଅର୍ଜନ କରିବେ। ଶୁଭକାର୍ଯ୍ୟ ପାଇଁ ବାତାବରଣ ଅନୁକୂଳ ରହିଛି। ସରକାରଙ୍କ କୃପାପାତ୍ର ହେବେ। ଶତ୍ରୁର ପ୍ରଣମ୍ୟ ହେବେ।
ତୁଳା: କାର୍ଯ୍ୟର ସଫଳ ରୂପାୟନ କରି ପ୍ରଶଂସାର ପାତ୍ର ହେବେ। ନିରଙ୍କୁଶ କ୍ଷମତା ପ୍ରାପ୍ତ ହେଲେ ବି ତା’ର ବିକେନ୍ଦ୍ରୀକରଣ କରି ଅଧସ୍ତନ ଓ ଅନୁଗତଙ୍କ ନମସ୍ୟ ହେବେ। ବିବାଦୀୟ ଘଟଣାରେ ବିଜୟୀ ହେବେ।
ବିଛା: ମିଳିତ କର୍ମଚାରୀମାନଙ୍କର ନେତୃତ୍ବ ନେଇ କର୍ମତତ୍ପର ହେବେ। ଉଚ୍ଚାସନରେ ଆସୀନ ହେବେ। ବହୁ ଅର୍ଥର ଅଧିକାରୀ ହୋଇପାରନ୍ତି। ଜନବଲ୍ଲଭ ହେବେ। ଦିନ ୨.୪୦ ମିନିଟ୍ ପର୍ଯ୍ୟନ୍ତ ସତର୍କରେ ଚଳିବେ।
ଧନୁ: ଆଜି ଦିନଟି ଆପଣଙ୍କ ପାଇଁ ଅତ୍ୟନ୍ତ ଆନନ୍ଦଦାୟକ ହେବ। ନାନା ସୁଖର ଅଧିକାରୀ ହେବେ। କର୍ମକ୍ଷେତ୍ରରୁ ଅପୂର୍ବ ସଫଳତା ପାଇବେ। ସାତ୍ତ୍ବିକ ଭୋଜନ ସହିତ ଆନନ୍ଦ ଉପଭୋଗ କରିବେ।
ମକର: ବନ୍ଧୁ ଓ ପରିବାରବର୍ଗଙ୍କ ସହାୟତାରେ ଶତ୍ରୁ ବିନାଶ କରି ମାନସିକ ଶାନ୍ତି ଫେରିପାଇବେ। ଶୁଭକାର୍ଯ୍ୟ ପାଇଁ ସମୟ ଅନୁକୂଳ ସାବ୍ୟସ୍ତ ହୋଇଛି। ଋଣ ପରିଶୋଧ କରି ଆଶ୍ବସ୍ତ ହେବେ। ସୁସ୍ଥ ରହିବେ।
କୁମ୍ଭ: ବିଦ୍ୟାର୍ଥୀମାନେ ଉଚ୍ଚ ସୋପାନରେ ନାମ ଦରଜ କରିବାର ଓ ସାକ୍ଷାତ କାରର ପ୍ରସ୍ତୁତି ସ୍ବରୂପ ଅଧ୍ୟୟନରତ ହୋଇପାରନ୍ତି। ବିଭିନ୍ନ ସୂତ୍ରରୁ ଅର୍ଥ ପ୍ରାପ୍ତିର ସୂଚନା ମିଳୁଛି। ପାରିବାରିକ ଜୀବନ ଶାନ୍ତିପୂର୍ଣ୍ଣ ରହିବ।
ମୀନ: କାର୍ଯ୍ୟ କେତେ କଠିନ ଓ କଷ୍ଟଦାୟକ ହେଲେ ବି ତା’ର ସୁସ୍ଥ ସମ୍ପାଦିତ କରି ଉଚିତ୍ ପ୍ରାପ୍ୟ ହାସଲ କରିବେ। ଯାନବାହନ ସୁଖ ମିଳିବ। ବାସଗୃହ ପରିବେଶ ଉତ୍ତମ ମାନର ହେବ। କୃଷିରୁ ଲାଭ ମିଳିବ।
