ୱାଶିଂଟନ୍ : ଆମେରିକୀୟ ମୋଟର ସାଇକେଲ୍, ବିଶେଷକରି ହାର୍ଲେ ଡାଭିଡସନ୍ସର ଆମଦାନୀ ଟାରିଫ୍ରେ ହ୍ରାସ କରିବା ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ପ୍ରତିଶ୍ରୁତି ପୂରଣ କରୁ ନ ଥିବା ଦର୍ଶାଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋମବାର ପୁନଃ ଅସନ୍ତୋଷ ବ୍ୟକ୍ତ କରିଛନ୍ତି। ଏହି ଟାରିଫରେ ୫୦% ହ୍ରାସ କରିବାକୁ ମୋଦି ପ୍ରତିଶ୍ରୁତି ଦେଇଥିଲେ। ମାତ୍ର ଏଯାବତ୍ ତାହା ପୂରଣ କରାଯାଇ ନ ଥିବାରୁ ଆମେରିକାକୁ କୌଣସି ଲାଭ ମିଳୁନାହିଁ। ମୋଦି ୫୦% ଲାଭ ପାଉଛନ୍ତି। ଏହାଦ୍ୱାରା ଭାରତ ଆମେରିକା ପ୍ରତି ଅନୁକମ୍ପା କରୁଥିବା ମୋଦି ଭାବୁଛନ୍ତି। କିନ୍ତୁ ବାସ୍ତବରେ ତାହା ନୁହେଁ ବୋଲି ଟ୍ରମ୍ପ ଦର୍ଶାଇଛନ୍ତି। ମୋଦିଙ୍କ ପ୍ରଶଂସା କରିବା ସହିତ ତାଙ୍କ ଭଳି ନମସ୍କାର କରି ଟ୍ରମ୍ପ କହିଛନ୍ତି, ଏହି ଟାରିଫରେ ୭୫% ହ୍ରାସ କରାଯାଇଛି; କିନ୍ତୁ ଏଥିରେ ଆଉ ୫୦% ହ୍ରାସ କରାଯିବ ବୋଲି ସେ କହିଥିଲେ। ଏଥିରେ ଆଚମ୍ବିତ ହୋଇ କି ପ୍ରତିକ୍ରିୟା ଦେବେ ବୋଲି ଟ୍ରମ୍ପ ମୋଦିଙ୍କୁ କହିଥିଲେ। ତେବେ ଏଥିରେ ପରିବର୍ତ୍ତନ ହୋଇ ନ ଥିବାରୁ ଟ୍ରମ୍ପ କ୍ରୋଧିତ ହୋଇ ଭାରତ ନିର୍ମିତ ମୋଟର ସାଇକେଲ୍ ଆମଦାନୀ ନେଇ ପାରସ୍ପରିକ ଟାରିଫ୍ ଲାଗୁ କରିବାକୁ ଧମକ ଦେଇଥିଲେ। ବାଣିଜ୍ୟ ତଥା ଆମେରିକାଠାରୁ ଆଗକୁ ବଢୁଥିବା ରାଷ୍ଟ୍ର ପ୍ରସଙ୍ଗରେ ଟ୍ରମ୍ପ ଅନ୍ୟ ରାଷ୍ଟ୍ରଗୁଡିକୁ ଧମକ ଦେବା କିଛି ନୂଆ କଥା ନୁହେଁ। ନିଜର ନିର୍ବାଚନୀ ପ୍ରଚାର ବେଳେ ଚୀନ୍ ବିରୋଧରେ ମଧ୍ୟ ଏହିଭଳି ଆଭିମୁଖ୍ୟ ଗ୍ରହଣ କରିଥିଲେ। କିନ୍ତୁ ତାଙ୍କର ଏଭଳି ଧମକ ବିଶେଷ ଫଳପ୍ରଦ ହୋଇ ନ ଥିବା ଜଣାଯାଏ। ତେବେ ମୋଟର ସାଇକେଲ ଟାରିଫ୍ ନେଇ ତାଙ୍କର ଭାରତ ବିରୋଧୀ ଧମକ ଏସୀୟ ରାଷ୍ଟ୍ରଙ୍କ ସହିତ ତାଙ୍କୁ କେତେବେଳେ ଉଷ୍ମ ତ କେତେବେଳେ ସାଧାରଣ ସମ୍ପର୍କର ଅଂଶବିଶେଷ ବୋଲି କୁହାଯାଉଛି।
