ଧାନ ବ୍ୟବସାୟୀଙ୍କଠାରୁ ୨.୨୫ ଲକ୍ଷ ଲୁଟ

ପାଟଣା: ଘଟଗାଁ ଥାନା ଢେଙ୍କିକୋଟରେ ଧାନ ବ୍ୟବସାୟ କରୁଥିବା ସାନ ନୂଆଗାଁ ଗ୍ରାମର ଶରତ କୁମାର ସାହୁଙ୍କଠାରୁ ଶୁକ୍ରବାର ସକାଳୁ ୨ ଲକ୍ଷ ୨୫ ହଜାର ଟଙ୍କା ଲୁଟ ହୋଇଛି । ସାନ ନୂଆଗାଁ ଗ୍ରାମରୁ ସେ ଏକ ବ୍ୟାଗରେ ଟଙ୍କା ଧରି ସ୍କୁଟି ଯୋଗେ ଢେଙ୍କିକୋଟ ଆସୁଥିଲେ। ୨୦ ନଂ. ଜାତୀୟ ରାଜପଥର ସାନ ନୂଆଗାଁ ଛକଠାରୁ ମାତ୍ର ୧୦୦ ମିଟର ମଧ୍ୟରେ ୨ଟି ବାଇକରେ ୪ ଜଣ ଲୁଟେରା ଆସି ତାଙ୍କୁ ଅଟକାଇ ଧକ୍କା ମାରି ଟଙ୍କା ବ୍ୟାଗ ଛଡ଼ାଇନେଇ ଫେରାର ହୋଇଯାଇଥିଲେ । ଏ ନେଇ ଶରତ ଢେଙ୍କିକୋଟ ଫାଣ୍ଡିରେ ଅଭିଯୋଗ କରିବା ପରେ ଘଟଗାଁ ଏସଡିପିଓ ବିଜୟ କୁଷ୍ଣ ମହାପାତ୍ର, ଥାନାଧିକାରୀ ପ୍ରଶାନ୍ତ କୁମାର ସାମଲ ଓ ଢେଙ୍କିକୋଟ ଫାଣ୍ଡି ଅଧିକାରୀ ତ୍ରିନାଥ ନାଏକ ପ୍ରମୁଖ ଘଟଣାସ୍ଥଳରେ ପହଞ୍ଚି ତଦନ୍ତ କରିଛନ୍ତି। ଲୁଟେରାମାନଙ୍କୁ ପୁଲିସ ଧରିପାରି ନାହିଁ।