ନୂଆଦିଲ୍ଲୀ : ଦୁବାଇସ୍ଥିତ ଏକ ଭାରତୀୟ ଦମ୍ପତିଙ୍କ ବିବାହ ଉତ୍ସବ ବିମାନ ମଧ୍ୟରେ ଅନୁଷ୍ଠିତ ହୋଇଛି। ନଭେମ୍ବର ୨୪ ତାରିଖରେ ବୋଇଂ ୭୪୭ ମଧ୍ୟରେ ଏହି ଦମ୍ପତିଙ୍କର ବିବାହ ପରିବାର ସଦସ୍ୟ ଓ ବନ୍ଧୁଙ୍କ ଗହଣରେ ହୋଇଥିଲା। ବିବାହ କରିଥିବା ଦମ୍ପତି ହେଲେ ବିଧି ପୋପଲେ ଓ ହ୍ରିଦେଶ ସୈନାଇ। ବିଧି ହେଉଛନ୍ତି ୟୁଏଇସ୍ଥିତ ବ୍ୟବସାୟୀ ଦିଲୀପ ପୋପଲେଙ୍କ ଝିଅ। ଉତ୍ସବରେ ୩୫୦ଜଣ ଅତିଥି ସାମିଲ ହୋଇଥିଲେ। ବିବାହ ଉତ୍ସବ ୩ଘଣ୍ଟା ଧରି ଚାଲିଥିଲା। ଏହି ସମୟରେ ସ୍ବତନ୍ତ୍ର ଭାବେ ପ୍ରସ୍ତୁତ ବିମାନ ଦୁବାଇରୁ ଓମାନ ଯାତ୍ରା କରିଥିଲା। ଏପରିକି ବିମାନ ମଧ୍ୟରେ ବରଯାତ୍ରୀ ଦଳ ନାଚ ଗୀତ କରିଥିଲେ। ୨୮ବର୍ଷ ପୂବେ ବିଧିଙ୍କ ପିତାମାତା ଆକାଶରେ ବିବାହ କରି ଚର୍ଚ୍ଚାକୁ ଆସିଥିଲେ। ବିଧିଙ୍କ ପିତାମାତା ଏୟାର ଇଣ୍ଡିଆର ଏକ ବିମାନ ମଧ୍ୟରେ ବିବାହ କରିଥିଲେ। ପୋପଲେ ପରିବାର ୟୁଏଇ ଓ ଭାରତରେ ଅଳଙ୍କାର ଓ ହୀରା ବ୍ୟବସାୟ କରନ୍ତି।
Popular Categories
Previous article
Next article