ଆବଶ୍ୟକ ସାମଗ୍ରୀ
ପନୀର – ୨୦୦ ଗ୍ରାମ
କଟା ଟମାଟୋ – ୩ଟି
କଟା ପିଆଜ – ୨ଟି
ଅଦା ରସୁଣ ବଟା – ୨ଚାମଚ
ଜିରା – ଅଳ୍ପ
ତେଲ – ଆବଶ୍ୟକ ପରିମାଣରେ
କଟା ଅଦା – ଅଳ୍ପ
ଗରମ ମସଲା – ୧ଚାମଚ
ପନିର ମସଲା – ୧ଚାମଚ
କଟା କଞ୍ଚା ଲଙ୍କା – ୬ ରୁ ୭ଟି
ଲୁଣ – ଆବଶ୍ୟକ ପରିମାଣରେ
ହଳଦୀ ଗୁଣ୍ଡ – ଅଳ୍ପ
ଚିନି – ଅଳ୍ପ
କଟା ଧନିଆ ପତ୍ର – ଆବଶ୍ୟକ ପରିମାଣରେ
ପ୍ରସ୍ତୁତି ପ୍ରଣାଳୀ – ପ୍ରଥମେ ପନୀରକୁ ଟିକେ ବଡ଼ ଖଣ୍ଡ କରି କାଟି ଦିଅନ୍ତୁ। ଏବେ ଗ୍ୟାସ ଲଗାଇ ଏକ ପାତ୍ରରେ ପାଣି ହାଲକା ଉଷୁମ କରି ଗରମ କରନ୍ତୁ। ସେହି ପାଣିରେ ସାମାନ୍ୟ ଚିନି ପକାଇ ଗୋଳାଇ ଦିଅନ୍ତୁ। ଏବେ ଏହି ପାଣିରେ କାଟି କରି ରଖିଥିବା ପନୀରକୁ ପକାନ୍ତୁ। ଏବେ ଶୁଖିଲା ଲଙ୍କାକୁ ପାଣିରେ ପକାଇ ବତୁରାଇ ଦିଅନ୍ତୁ। ବତୁରିଥିବା ଲଙ୍କାକୁ ବାଟି ଦିଅନ୍ତୁ। ଏବେ ଗ୍ୟାସରେ କଡ଼େଇ ବସାଇ ତେଲ ଗରମ କରନ୍ତୁ। ତେଲ ଗରମ ହେବା ପରେ ଜିରା ପକାଇ ପିଆଜ ପକାଇ ଭାଜନ୍ତୁ। ଏବେ ଏଥିରେ ପିଆଜ ରସୁଣ ବଟା, ହଳଦୀ ଗୁଣ୍ଡ, ଲୁଣ ପକାଇ କଷନ୍ତୁ। କିଛି ସମୟ କଷିବା ପରେ କଟା ଅଦା, ଲଙ୍କା ପେଷ୍ଟ, ଟମାଟର , କଞ୍ଚା ଲଙ୍କା ପକାଇ ଭଲ ଭାବେ କଷନ୍ତୁ। ଏହାପରେ ପନୀର ମସଲା, ଗରମ ମସଲା ପକାଇ ଭଲ ଭାବେ କଷନ୍ତୁ। ଏବେ ଏଥିରେ ବତୁରାଇଥିବା ପନୀର ପକାଇ ପାଣି ଦେଇ କିଛି ସମୟ ରଖି ଦିଅନ୍ତୁ। ଏବେ ଏହାପରେ କଟା ଧନିଆ ପତ୍ର ପକାଇ ୨ ମିନିଟ ଗ୍ୟାସରେ ବସାଇ ଏକ ପାତ୍ରକୁ କାଢି ଦିଅନ୍ତୁ। ପ୍ରସ୍ତୁତ ହୋଇଗଲା ଲଙ୍କା ପନୀର।
ଜିରା ଲଙ୍କା ପନୀର
Popular Categories
Previous article
Next article