ମୁମ୍ବାଇ: ‘ଅନ୍ଧାଧୁନ୍’ ଫିଲ୍ମ ନିର୍ମାଣର ୫ବର୍ଷ ପରେ ନିର୍ଦ୍ଦେଶକ ଶ୍ରୀରାମ ରାଘବନ୍ଙ୍କ ‘ମେରୀ ଖ୍ରୀଷ୍ଟମାସ୍’ ବଡ ପରଦାରେ ରିଲିଜ ହୋଇସାରିଛି। ଫିଲ୍ମ ଫ୍ରାଇଡେରେ ଧମାଲ କରୁଛି କ୍ୟାଟ୍ରିନା ଓ ସାଉଥ୍ ସୁପରଷ୍ଟାର ବିଜୟ ସେତୁପତିଙ୍କ ଯୋଡି ‘ମେରୀ ଖ୍ରୀଷ୍ଟମାସ୍। ଉଭୟ ମୁଖ୍ୟ ଚରିତ୍ରରେ ନଜର ଆସିଛନ୍ତି। ଫିଲ୍ମର ଟ୍ରେଲର ସାମ୍ନାକୁ ଆସିବା ପରେ ସସ୍ପେନ୍ସ ଭରା ଥିବାରୁ ଦର୍ଶକ ମାନେ ଖୁବ ପସନ୍ଦ ମଧ୍ୟ କରିଛନ୍ତି।
ଫିଲ୍ମର କାହାଣୀ କିଛି ଏଭଳି- ଗୋଟେ ରାତିରେ ଦୁଇ ଜଣ ଅପରିଚିତ ବ୍ୟକ୍ତି ଭେଟ ହୁଅନ୍ତି, ହତ୍ୟା ଏବଂ ଏହାର ଚାରିପାଶ୍ୱର୍ରେ ଥିବା ସସପେନ୍ସ। ଫିଲ୍ମରେ ମାରିୟା (କ୍ୟାଟ୍ରିନା କୈଫ୍) ଏବଂ ଆଲବର୍ଟ (ବିଜୟ ସେତୁପତି)ଙ୍କ କାହାଣୀ ଦେଖିବାକୁ ମିଳିଛି। ଏହି ଦୁଇ ଅପରିଚିତ ବ୍ୟକ୍ତି ଗୋଟିଏ ରାତିରେ ଦେଖା ହୁଅନ୍ତି। ଏବଂ ରାତି ଯେତିକି ଆଗକୁ ବଢେ ସେମାନଙ୍କ ମଧ୍ୟରେ ରୋମାନ୍ସ ଓ କାହାଣୀର ସସ୍ପେନ୍ସ ସେତିକି ଗଭୀର ହୋଇଯାଏ।
ଫିଲ୍ମର ଟ୍ରେଲର ପରି କାହାଣୀଟି ଦୁଇଟି ମିକ୍ସଚର ଗ୍ରାଇଣ୍ଡର ସହ ଆରମ୍ଭ ହୋଇଛି। ଗୋଟିଏରେ ଧଳା ଏବଂ ନୀଳ ଟାବଲେଟ୍ ଓ ଅନ୍ୟଟିରେ ମସୁର ଡାଲି, କଦଳୀ ଏବଂ ନାଲି ଲଙ୍କା ରଖାଯାଏ। ଆଗକୁ କଣ ହେଉଛି ତାହା ଆପଣ ଫିଲ୍ମ ଦେଖିଲେ ଜାଣିପାରିବେ।
