ରାୟଗଡା: ବିବାହ ପ୍ରସ୍ତାବକୁ ପ୍ରତ୍ୟାଖାନା କରିବାରୁ ପ୍ରେମିକାକୁ ଛୁରାମାଡ କରିଛନ୍ତି ଯୁବକ । ପରେ ସେ ନିଜେ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ। ଉଭୟଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରିଯାଇଥିଲା। ସେଠାରେ ପ୍ରେମିକାର ଅବସ୍ଥା ଗୁରୁତର ଥିବା ବେଳେ ପ୍ରେମିକ ସୁସ୍ଥ ହୋଇ ଫେରିବା ପରେ ଅଭିଯୁକ୍ତ ପାଗଳ ପ୍ରେମିକ କୁରୁମାକୁ ସ୍ଥାନୀୟ ପୁଲିସ ଗିରଫ କରିଛି । ଏହି ଘଟଣାଟି ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ୍ କାଣିପାଇ ଗାଁରେ ଘଟିଯାଇଛି ।
ସୂଚନାଯୋଗ୍ୟ, ପ୍ରାୟ ଏକ ବର୍ଷ ହେଲା ଉଭୟ ମଧ୍ୟରେ ପ୍ରେମ ସଂପର୍କ ଥିଲା । କିନ୍ତୁ କିଛି ଦିନ ହେବ ପ୍ରେମିକା ଜଣଙ୍କ ଅନ୍ୟ ଜଣେ ଯୁବକଙ୍କ ସହ ମିଳାମିଶା ଓ ବୁଲାବୁଲି କରିବାବାରୁ ପ୍ରେମିକ କୁରୁମା ସହ୍ୟ କରିପାରି ନଥିଲେ । ପ୍ରେମିକାଙ୍କ ଘରକୁ ଯାଇ ପୁଣି ତାଙ୍କୁ ପ୍ରେମ ନିବେଦନ କରିବା ସହ ବିବାହ ପ୍ରସ୍ତାବ ଦେଇଥିଲେ । ଏଥିରେ ପ୍ରେମିକା ଜଣଙ୍କ ରାଜି ନ ହେବାରୁ କୁରୁମା ରାଗରେ ତାଙ୍କୁ ଛୁରା ମାଡ କରିଥିଲେ ଏବଂ ପରେ ସାଙ୍ଗରେ ନେଇଥିବା ବିଷକୁ ସେ ନିଜେ ପିଇ ଦେଇଥିଲେ । ପରେ ଉଭୟଙ୍କୁ ନିକଟସ୍ଥ ମେଡିକାଲରେ ଭର୍ତ୍ତିରେ ଭର୍ତ୍ତି କରାଯାଇଥିଲା । ସେଠାରେ ପ୍ରେମିକାର ଅବସ୍ଥା ଗୁରୁତର ଥିବାରୁ ସେ ଚିକିତ୍ସାଧୀନ ଅଛନ୍ତି । ମେଡିକାଲରୁ ଫେରିବା ପରେ ଅଭିଯୁକ୍ତ ପାଗଳ ପ୍ରେମିକ କୁରୁମାକୁ ପୁଲିସ ଗିରଫ କରିଛି ।