ଭବାନୀପାଟଣା : ଜାତୀୟ ଶିଶୁ କନ୍ୟା ଦିବସ ଅବସରରେ ଆଜି ସ୍ଥାନୀୟ ବିଏମ ହାଇସ୍କୁଲ ପରିସରରେ ପିରାମଲ ଫାଉଣ୍ଡେଶନ ଦ୍ଵାରା ଏକ ସମନ୍ନୟ ବୈଠକ ଅନୁଷ୍ଠିତ ହୋଇଥିଲା । ଏଥିରେ ଉନ୍ନତ ଭବିଷ୍ୟତ ପାଇଁ ବାଳିକା ଶିକ୍ଷାର ଆବଶ୍ୟକତା ଏବଂ ତଦଜନିତ ପ୍ରମୁଖ ସମସ୍ୟା ଗୁଡିକ ସଂକ୍ରାନ୍ତରେ ଆଲୋଚନା ହୋଇଥିଲା। ବିଶେଷକରି ଅଧାରୁ ପାଠ ଛାଡୁଥିବା ପିଲା ପିଲାଙ୍କୁ କିଭଳି ମୁଖ୍ୟ ସ୍ରୋତରେ ସାମିଲ ରଯାଇପାରିବ ସେନେଇ ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା।
ଜିଲ୍ଲାରେ ପିରାମଲ ଫାଉଣ୍ଡେଶନ ଦ୍ଵାରା ଏକ ଶିକ୍ଷା ବୃତ୍ତି ନେଇ ସର୍ଭେ ହୋଇଥିଲା। ସେହି ଆଧାରରେ ଆଜିର ବୈଠକରେ ତଥ୍ୟ ଉପସ୍ଥାପନ କରାଯାଇ ଆଗକୁ ଜିଲ୍ଲା ଶିକ୍ଷା ବିଭାଗ ଏବଂ କଲ୍ୟାଣ ବିଭାଗ ମଧ୍ୟରେ ସମନ୍ବୟ ରକ୍ଷା କରାଯିବ, ସମସ୍ୟା ଗୁଡିକର ସ୍ଥାୟୀ ସମାଧାନ କରାଯାଇ ପାରିବ ସେଥିପ୍ରତି ବୈଠକରେ ଗୁରୁତ୍ଵାରୋପ କରଯାଇଥିଲା। ବୈଠକରେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଟେମଲାଲ ଦୁବେ, ପିରାମଲ ଫାଉଣ୍ଡେସନର ଶାଶ୍ଵତ ସୌରଭ ପଣ୍ଡା, ଶିଶିର ଶୁକ୍ଳା, ସମସ୍ତ ବ୍ଲକର ଡ଼ବ୍ଲୁଇଓ ପ୍ରମୁଖ ଯୋଗ ଦେଇଥିଲେ।
