ନୂଆଦିଲ୍ଲୀ : ମେରଠର ଏଲଏଲଆରଏମ ମେଡିକାଲ କଲେଜରୁ ଅବହେଳାର ଏକ ବଡ ଘଟଣା ସାମ୍ନାକୁ ଆସିଛି । ଏହାର ଭିଡିଓ ମଧ୍ୟ ଭାଇରାଲ୍ ହେଉଛି । ଡାକ୍ତର ଜଣେ ରୋଗୀଙ୍କ ଚିକିତ୍ସା କରିବା ବଦଳରେ ଟେବୁଲ ଉପରେ ନିଘୋଡ ନିଦରେ ଶୋଇଛନ୍ତି । ତାଙ୍କ ସାମ୍ନାରେ ରକ୍ତାକ୍ତ ହୋଇ ପଡି ରହିଛନ୍ତି ରୋଗୀ । ଅଭିଯୋଗ ଅନୁଯାୟୀ, ରକ୍ତାକ୍ତ ଅବସ୍ଥାରେ ଜଣେ ବ୍ୟକ୍ତି ଷ୍ଟ୍ରେଚର ଉପରେ ଶୋଇ ରହିଛନ୍ତି ଓ ଡାକ୍ତର ଜଣକ ଉକ୍ତ ବ୍ୟକ୍ତିଙ୍କର ଚିକିତ୍ସା କରିବା ବଦଳରେ ନିଘୋଡ ନିଦରେ ଶୋଇଛନ୍ତି । ପରେ ରୋଗୀଙ୍କର ମୃତ୍ୟୁ ହୋଇ ଯାଉଛି ।
ତେବେ ଏହା ମେରଠର ସବୁଠାରୁ ବଡ ସରକାରୀ ହସ୍ପିଟାଲର ଘଟଣା ବୋଲି କୁହାଯାଉଛି । ଯେଉଁଠାରେ ୨୪ ଘଣ୍ଟା ରୋଗୀଙ୍କୁ ଚିିକିତ୍ସା ମିଳିବା ଆଶାରେ ସେମାନେ ଏଠାକୁ ଆସି ଥାନ୍ତି । ମାତ୍ର ଏହି ଘଟଣା ଜଣାପଡିବା ପରେ ଜରୁରୀକାଳୀନ ଚିକିତ୍ସା ଓ ଚିକିତ୍ସା କ୍ଷେତ୍ରରେ ହେଉଥିବା ଅବହେଳାକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି କରିଛି । ଲୋକେ ଘଟଣାକୁ ନେଇ ତୀବ୍ର ଅସନ୍ତୋଷ ପ୍ରକାଶ କରିବା ସହ ଅଧିକାରୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ଚିିକିତ୍ସା ଅଭାବରୁ ମୃତ୍ୟୁ ହୋଇଥିବା ଯୁବକଙ୍କ ନାମ ସୁନିଲ୍ ବୋଲି ଜଣାପଡିଛି । ସେ ହସନପୁର ଗାଁର ବାସିନ୍ଦା ଥିଲେ । ସୁନିଲ୍ ରାସ୍ତାର ପାର୍ ହେବା ସହ ଏକ ଅଜଣା ଗାଡି ତାଙ୍କୁ ଧକ୍କା ଦେଇଥିଲା । ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ଡାକ୍ତରଙ୍କ ଅବହେଳା କାରଣରୁ ତାଙ୍କ ଜୀବନ ଚାଲି ଯାଇଛି ବୋଲି ପରିବାର ଲୋକେ ଅଭିଯୋଗ ମଧ୍ୟ କରିଛନ୍ତି । ସଠିକ୍ ସମୟରେ ତାଙ୍କର ଚିକିତ୍ସା କରାନଯିବାରୁ ତାଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି ।
ମେଡିକାଲ ପକ୍ଷରୁ ମିଳିଥିବା ସୂଚନାନୁଯାୟୀ, ଦୁର୍ଘଟଣାରେ ଆହତ ଜଣେ ବ୍ୟକ୍ତି ରାତିରେ ଚିକିତ୍ସା ପାଇଁ ଆସିଥିଲେ । ସେହି ସମୟରେ ଜଣେ କନିଷ୍ଠ ଡାକ୍ତର କାର୍ଯ୍ୟରେ ଥିଲେ । ଘଟଣା ପରେ ତାଙ୍କୁ ନିଲମ୍ବିତ କରାଯାଇଛି । ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଜାରି ରଖିଛି ।
ଦେଖନ୍ତୁ ଭିଡିଓ; ଛାତ ଉପରେ ଶୋଇଥିଲେ ଶ୍ରମିକ, ପହଞ୍ଚିଗଲା ସିଂହ, ଆଉ ତା’ପରେ..
