ଛଟେଇ ମହିଳା ସ୍ୱାସ୍ଥ୍ୟକର୍ମୀଙ୍କୁ ପୁନଃ ୯୦ଦିନର ନିଯୁକ୍ତି ଦିଆଯିବାର ପ୍ରତିଶ୍ରୁତି ଦେଲେ ଡାବୁଗାଁ ବିଧାୟକ

ନବରଙ୍ଗପୁର: ନବରଙ୍ଗପୁର ଜିଲ୍ଲାରେ ୧୯୬ ଜଣ ମହିଳା ସ୍ୱାସ୍ଥ୍ୟକର୍ମୀଙ୍କ ଛଟେଇ ପ୍ରତିବାଦରେ ୪ ଦିନ ଧରି ଧାରଣାରେ ବସିଥିବା ମହିଳା ସ୍ୱାସ୍ଥ୍ୟକର୍ମୀମାନେ ଗତକାଲି ଉଗ୍ର ହୋଇ ଜାତୀୟ ରାଜପଥକୁ କିଛିସମୟ ପାଇଁ ଅବରୋଧ କରିବା ପରେ ପୁଲିସ ସେମାନଙ୍କୁ ଜୋରଜବରଦସ୍ତ ଥାନାକୁ ଉଠାଇ ନେଇଥିଲା। ଶେଷରେ ଡାବୁଗାଁ ବିଧାୟକ ମନୋହର ରନ୍ଧାରୀ ୯୦ଦିନର ପୁନଃ ନିଯୁକ୍ତି ଦିଆଯିବାର ପ୍ରତିଶ୍ରୁତି ଦେବା ପରେ ଅଶ୍ଵସ୍ତି ହୋଇଥିଲେ ସମସ୍ତ ମହିଳା ସ୍ୱାସ୍ଥ୍ୟ କର୍ମୀ। ବିଧାୟକ ରନ୍ଧାରୀ ଥାନାରେ ପହଞ୍ଚି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଶାସନ ସଚିବଙ୍କ ପତ୍ର ସଂଖ୍ୟା ୨୦୫୮୨/ହ ତା -୧୪/୯ ପ୍ରକାରେ ରାଜ୍ୟରେ ଛଟେଇ ହୋଇଥିବା ସ୍ୱାସ୍ଥ୍ୟକର୍ମୀମାନଙ୍କୁ କୋଭିଡ ଜରୁରୀ ସେବା ପାଇଁ ପୁଣି ୯୦ ଦିନର ନିଯୁକ୍ତି ଦେବାପାଇଁ ସମସ୍ତ ଜିଲ୍ଲାପାଳଙ୍କୁ ନିର୍ଦେଶ ଥିବା ପତ୍ର ସେମାନଙ୍କୁ ଦେଖାଇଥିଲେ। ବିଧାୟକଙ୍କ ହସ୍ତକ୍ଷେପ ଯୋଗୁଁ ଏହା ସମ୍ଭବ ହୋଇଥିବା ନେଇ ଛଟେଇ ମହିଳା ସ୍ୱାସ୍ଥ୍ୟକର୍ମୀ ସଭାପତି କେ ସୁନିତା ପାତ୍ର ବିଧାୟକଙ୍କୁ ଧନ୍ୟବାଦ ଜଣାଇଥିଲେ।

prayash

ଏପଟେ ପୁଲିସ ମହିଳା ସ୍ୱାସ୍ଥ୍ୟକର୍ମୀମାନଙ୍କୁ ଛାଡି ଦେଇଥିବା ବେଳେ ସେମାନଙ୍କୁ ସହଯୋଗ କରୁଥିବା ବିଭିନ୍ନ ଅନୁଷ୍ଠାନର ୪ ଜଣଙ୍କ ନାମରେ ମାମଲା ରୁଜୁ କରିଥିଲେ। ଶନିବାର ସନ୍ଧ୍ୟାରେ ଅଟକ ୪ ଜଣ କୋର୍ଟରୁ ଜାମିନରେ ଆସିଥିବା ଜଣାପଡ଼ିଛି।

Comments are closed.