ଲଖନଉ : ବିସୋଲୀ କୋତବାଲୀ କ୍ଷେତ୍ରର ଗାଁ ପରବେଜନଗରରେ ବୁଧବାର ଏକ ବିବାହ ସମାରୋହ ଆୟୋଜିତ ହୋଇଥିଲା। ତେବେ ବିବାହ ସମୟରେ ହଠାତ୍ କନ୍ୟାପକ୍ଷ ଓ ବରପକ୍ଷ ମଧ୍ୟରେ ବିବାଦ ଦେଖାଯାଇଥିଲା। ଉପସ୍ଥିତ ଥିବା ଲୋକେ କୌଣସି ପ୍ରକାରେ ଘଟଣାକୁ ଶାନ୍ତ କରିଥିଲେ। ମାତ୍ର କିଛି ସମୟ ପରେ ଭୋଜିରେ ଖାଦ୍ୟ ଖାଇବା ସମୟରେ ପୁଣି ଝଗଡା ଆରମ୍ଭ ହୋଇଥିଲା। ଝଗଡା ଧିରେ ଧିରେ ମାରପିଟ୍ର ରୂପ ନେଇଥିଲା। ମାରପିଟ୍ ହେବା ସହ ପରସ୍ପର ଉପରକୁ ଚେୟାର ଫୋପଡା ପିଙ୍ଗା ହୋଇଥିଲେ। ପରିସ୍ଥିତି ଏଭଳି ବିଗିଡି ଯାଇଥିଲା ଯେ, ସେଠାରୁ ଉଭୟ ବର ଓ କନ୍ୟାକୁ ନିଜ ଜୀବନ ବଞ୍ଚାଇବାକୁ ବିବାହ ସ୍ଥଳ ଛାଡି ଯିବାକୁ ପଡିଥିଲା। ଅନେକ ସମୟ ପର୍ଯ୍ୟନ୍ତ ମାରପିଟ୍ ହେବା ସହ ବର ପକ୍ଷ ସେଠାରୁ ପଳାଇଥିଲେ। ଏହାପରେ କନ୍ୟା ପକ୍ଷ ସହ କଥାବାର୍ତ୍ତା ହେବା ସହ ପୁଣି କଥାବାର୍ତ୍ତା କରାଇ ବାକି ଥିବା ବିବାହ କର୍ମ ପୁଣି ସମ୍ପନ୍ନ କରାଯାଇଥିଲା। ଏହାପରେ କନ୍ୟାର ବିଦାୟୀ କରାଯାଇଥିଲା। ମାତ୍ର ଏନେଇ ଥାନାରେ କୌଣସି ମାମଲା ରୁଜୁ କରାଯାଇ ନାହିଁ।
Popular Categories
Previous article
Next article