ଭବାନୀପାଟଣା: ସ୍ୱାଧୀନତା ଦିବସ ଅବସରରେ ମାଓବାଦୀମାନେ କୌଣସି ଅଘଟଣ ଘଟାଇବା ଆଶଙ୍କା ଥିବାରୁ ବୁଧବାର ସନ୍ଧ୍ୟାରେ ଲାଞ୍ଜିଗଡ ବ୍ଲକ ଅଧିନରେ ଥିବା ଭବାନୀପାଟଣା ସଦର ଥାନା ଅନ୍ତର୍ଗତ ଗୁଣ୍ଡୁରୀ ପଞ୍ଚାୟତର ଗଣ୍ଡି ରିଜର୍ଭ ଜଙ୍ଗଲରେ କୁମିଂ ଅପରେସନ କରୁଥିଲେ ଏସଓଜି ଯବାନ। ଏହି ସମୟରେ ମାଓବାଦୀଙ୍କ ସହିତ ଯବାନମାନଙ୍କର ମୁହାଁମୁହିଁ ହୋଇଥିଲା ।ଫଳରେ ଉଭୟ ପକ୍ଷରୁ ଗୁଳିବିନିମୟ ହୋଇଥିଲା । ଦୀର୍ଘ ସମୟ ଧରି ଏସଓଜି ଯବାନ୍ ଗୁଳି କୁ ସମ୍ନା କରିନପାରି ମାଓବାଦୀମାନେ ଜଙ୍ଗଲର ମଧ୍ୟରେ ଛତ୍ରଭଙ୍ଗ ଦେଇଥିଲେ। ଏସ୍ଓଜି ଯବାନ ମାନେ ଜଙ୍ଗଲକୁ ଘେରାଉ କରି ସର୍ଚ୍ଚ ଅପରେସନ ସମୟରେ ଏକ ମାଓ କ୍ୟାମ୍ପ ଠାବ କରିଥିଲେ । ଏସ୍ଓଜି ଯବାନ ଙ୍କ ଗୁଳିରେ ଏକାଧିକ ମାଓବାଦୀ ଆହତ ହୋଇଥିବା ପୋଲିସ ସନ୍ଦେହ କରୁଛି ।ଉକ୍ତ ମାଓ କ୍ୟାମ୍ପ ରୁ ଗୋଟିଏ ଟିଫିନ ବୋମା, ଗିଲିଟନ ଷ୍ଟିକ୍, ଡିଟେନୋଟେର ଆଦି ସମେତ ବହୁ ପରିମାଣର ମାଓ ବ୍ୟବହୃତ ସାମଗ୍ରି ଜବତ କରାଯାଇଛି ।
Comments are closed.