ମାଲକାନଗିରି: ମାଲକାନଗିରି ଜିଲାରେ କରୋନା ଛାଟ ସାଙ୍ଗକୁ ବନ୍ୟା ପରିସ୍ଥିତି ପରେ ବର୍ତ୍ତମାନ ଜିଲ୍ଲାର ଗ୍ରାମାଞ୍ଚଳର ପରିସ୍ଥିତି ଅତ୍ୟନ୍ତ ଦୟନୀୟ ଅବସ୍ଥା ହୋଇ ପଡ଼ିଛିା ଦୋକାନ ବଜାର ସହ ସମସ୍ତ ସଂସ୍ଥାନ ବନ୍ଦ ରହିଥିବା ବେଳେ ଖଟିଖଇଆ ମାନଙ୍କ ରୋଜଗାର ମଧ୍ୟ ସମ୍ପୂର୍ଣ ବନ୍ଦ ହୋଇ ଯାିଛିା ଏବଳି ସ୍ଥିତିରେ ଗରୀବ ଓ ଅତି ଗରୀବ ଶ୍ରେଣୀର ପରିବାର ମାନେ ମୁଠାଏ ଖାଇବାକୁ ନେଇ ଚିନ୍ତିତ ରହିଥିବା ଦେଖିବାକୁ ମିଳଇଛିା ଏଭଳି ସ୍ଥିତିରେ ସହ ଯୋଗର ହାତ ବଢାଇଛନ୍ତି ସମାଜସେବୀ ବିନୋଦ ଟାବାରି। ଗତ ୨୫ତାରିଖ ଦିନ ଜୟରାମଗୁଡା ଗ୍ରାମର ଘାସିଆଣି ଗାଦବାନାମକ ଜଣେ ଅସହାୟ ବିଧବା ମହିଳାଙ୍କ ବିଷୟରେ ‘ସମାଜ’ରେ ଖବର ପ୍ରକାଶ ପାଇଥିଲ।। ଏହାର ଦୁଇଦିନ ପରେ ୨୭ ତାରିଖ ଦିନ ସେହି ଗ୍ରାମର ସମରା ଜାନିଙ୍କ ଘର କାନ୍ଥ ବର୍ଷାରେ ଭାଙ୍ଗି ଯାଇଥିବା ଖବର ପ୍ରକାଶ ପାଇଥିଲା। ଏହି ଖବରକୁ ଆଧାର କରି ସମାଜସେବୀ ଶ୍ରୀ ଟାବାରି ଶନିବାର ଦିନ ଉକ୍ତ ଗ୍ରାମକୁ ଯାଇ ସମ୍ପୃକ୍ତ ବୃଦ୍ଧା ମହିଳା ଓ ସମରା ଜାନିଙ୍କ ପରିବାରକୁ ସହ ଯୋଗର ହାତ ବଢାଇଥିଲେ। ସମ୍ପୃକ୍ତ ବୃଦ୍ଧା ମହିଳା ଘାସିଆଣୀ ଗାଦବାଙ୍କୁ ଗୋଟିଏ ବସ୍ତା ଚାଉଳ, ପାଞ୍ଚକେଜି ଡାଲି ଯୋଗାଇଦେବା ସହ ଆଗାମୀ ଦିନରେ ମଧ୍ୟ ତାଙ୍କୁ ସହ ଯୋଗ କରା ଯିବ ବୋଲି ସେ ପ୍ରକାଶ କରିଛନ୍ତି। ସେହିପରି ସମରା ଜାନିଙ୍କ ଘର କାନ୍ଥ ଭାଙ୍ଗି ଯାଇଥିବାରୁ ତାଙ୍କୁ ଏକ ପଲିଥିନି ଯୋଗାଇ ଦେଇଥିଲୋ ସମାଜସେବୀଙ୍କ ଏଭଳି ସେବା କାର୍ଯ୍ୟକୁ ଗ୍ରାମବାସୀ ମାନେ ସ୍ୱାଗତ କରିଥିଲୋ
Comments are closed.