ମାଲକାନଗିରି: ମାଲକାନଗିରି ଜିଲା ଖଇରପୁଟ ବ୍ଲକ ଅନ୍ତର୍ଗତ ରାସବେଡା ପଞ୍ଚାୟତ ମୁଦୁଳିଗୁଡା ଗ୍ରାମରେ ଓରିଙ୍ଗି ଓ ମୁଡ଼ିଲିଗୁଡ଼ା ଦେଇ ପ୍ରବାହିତ ହେଉଥିବା ନାଳରୁ ମଙ୍ଗଳବାର ଜଣେ ମହିଳାଙ୍କ ମୃତଦେହ ଉଦ୍ଧାର କରାଯାଇଛି। ସୂଚନା ଯୋଗ୍ୟ, ଲଗାଣ ବର୍ଷା ଯୋଗୁଁ ହଠାତ ପାହାଡ଼ରୁ ମାଡି ଆସିଥିବା ପାଣି ଓରିଙ୍ଗି ଓ ମୁଡ଼ିଲିଗୁଡ଼ା ଦେଇ ପ୍ରବାହିତ ହେଉଥିବା ନାଳରେ ବୁଧବାର ମୁଦୁଲିଗୁଡା ଗ୍ରାମର ପୁରୁଷତି ଖିଲଙ୍କ ସ୍ତ୍ରୀ ଧନେଇ ଖିଲ(୩୫) ନାଳ ପାର ହେଉଥିବା ସମୟରେ ବର୍ଷା ପାଣିରେ ଭାସି ଯାଇଥିଲେ। ମଙ୍ଗଳବାର ସକାଳ ୧୦ ଘଣ୍ଟା ସମୟରେ ଘରୁ ଖାଇ ସାରି ଚାଷ ଜମିକୁ ଘାସ ବାଛିବାକୁ ଯାଇଥିଲେ । ଦିନ ଦ୍ବିପ୍ରହର ସମୟରେ ପ୍ରବଳ ବର୍ଷା ହୋଇଥିଲା । ଫଳରେ ସେ ଘରକୁ ନ ଫେରିବା ଯୋଗୁଁ ତାଙ୍କ ସ୍ୱାମୀ ଓ ଗାଁ ଲୋକ ମିଶି ନିକଟସ୍ଥ ନାଳରେ ଯାଇ ଖୋଜା ଖୋଜି କରିଥିଲେ ଓ ନାଳରେ ହଠାତ ବର୍ଷା ପାଣି ଆସିଥିବାରୁ ସେ ଭାସି ଯିବାର ଜଣାପଡିଥିଲା । ଗାଁ ଲୋକ କିଛି ସମୟ ଖୋଜା ଖୋଜି କରିବା ପରେ ଦିନ ୩ ଟାରୁ ୪ଟା ସମୟରେ ନାଳରୁ ତାଙ୍କ ମୃତଦେହ ଉଦ୍ଧାର କରିଥିଲେ ।
Comments are closed.