ମାଲକାନଗିରି : ପ୍ରବଳ ବର୍ଷାରେ ବେହାଲ ମାଲକାନଗିରି । ଗତ ସାତ ଦିନ ଧରି ମାଲକାନଗିରିରେ ଲଗାଣ ବର୍ଷା ହେବା ଫଳରେ ସାବେରି, ସିଲେରୁ ଚିନା ଗୋଦାବରୀ ପ୍ରଭୃତି ନଦୀରେ ଜଳସ୍ତର ବୃଦ୍ଧି ପାଇଛି । ପୋଲାଭରମ ପ୍ରକଳ୍ପରୁ ନିଷ୍କାସିତ ଗୋଦାବରୀ ନଦିର ଜଳ ୨ ନଂ ବିପଦ ସଂକେତ ଉପରେ ପ୍ରଭାବିତ ହେଉଥିବାରୁ ମାଲକାନଗିରି ଜିଲ୍ଲାର ମୋଟୁ ଅଂଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ବର୍ତ୍ତମାନ ସୁଦ୍ଧା ୪୮ଟି ଗେଟରୁ ୯ ଲକ୍ଷ କ୍ୟୁସେକ ଜଳ ଛଡାଯିବା ଫଳରେ ମୋଟୁ ଓ ଚିନ୍ତୁର ୩୨୬ ଜାତୀୟ ରାଜପଥ ଉପରେ ଜଳ ପ୍ରବାହିତ ହୋଇ ମାଲକାନଗିରି ଠାରୁ ହାଇଦ୍ରାବାଦ ଯାତାୟତ ଠପ ହୋଇଯାଇଛି । ସେହିପରି ମୋଟୁ ଓ କାଲିମେଳା ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଛି । ଅନ୍ୟ ପକ୍ଷରେ ପ୍ରଶାସନ ପକ୍ଷରୁ ନଦୀ ତଳିଆ ଲୋକଙ୍କୁ ସୁରକ୍ଷିତ ନିଆଯାଇଥିବା ବେଳେ ପ୍ରବଳ ବର୍ଷା ଯୋଗୁଁ ପାଙ୍ଗାମ ପୋଟେରୁ ନଦୀରେ ଜଳ ସ୍ତର ବୃଦ୍ଧିପାଇ ବନ୍ୟା ପରିସ୍ଥିତି ସୃଷ୍ଟି ହୋଇଛି ।
Comments are closed.