ମାଲକାନଗିରି ଜିଲ୍ଲାର ବରିଷ୍ଠ ସାମ୍ବାଦିକ ଜାତୀୟସ୍ତରରେ କେନ୍ଦ୍ର ମନ୍ତ୍ରୀଙ୍କ ଦ୍ଵାରା ସମ୍ମାନିତ

ମାଲକାନଗିରି: ମାଲକାନଗିରି ଜିଲ୍ଲାର ବରିଷ୍ଠ ସାମ୍ବାଦିକ ଜିତେନ୍ଦ୍ର ବେଉରା ଜାତୀୟ ସ୍ତରରେ ସମ୍ମାନିତ ହୋଇଛନ୍ତି । ସେ ଦୀର୍ଘ ବର୍ଷ ଧରି ମାଲକାନଗିରି ଜିଲ୍ଲାରେ ନିରପେକ୍ଷ ସମ୍ବାଦିକତାରେ ଅଗ୍ରଣୀ ଭୂମିକା ଗ୍ରହଣ କରିଛନ୍ତି । ଆଦିବାସୀ ଅଞ୍ଚଳର ସମସ୍ୟା, ବିକାଶ, ଆଦିବସୀ ଜନଜୀବନର କଳା ସଂସ୍କୃତି ଓ ପରମ୍ପରାକୁ ସମ୍ବାଦିକତା ମାଧ୍ୟମରେ ଲୋକଲୋଚନାକୁ ଆଣିବାରେ ଜିତେନ୍ଦ୍ର ବେଉରା ନିରପେକ୍ଷ ଭୂମିକା ଗ୍ରହଣ କରିଛନ୍ତି ।

ଏହି ଅଞ୍ଚଳ ମାଓବାଦୀ ଅଞ୍ଚଳ ଭାବେ ପରିଚିତ ଥିବା ବେଳେ ଜୀବନକୁ ବାଜି ଲଗାଇ ଦୁର୍ଗମ ଅଞ୍ଚଳରେ ପହଞ୍ଚି କେନ୍ଦ୍ର ତଥା ରାଜ୍ୟ ସରକାରଙ୍କ ଉନ୍ନୟନ ମୂଳକ ଯୋଜନାର ସତ୍ୟତା ଜଣସାଧାରଣଙ୍କ ସମ୍ମୁଖରେ ଉପସ୍ଥାପନ କରିବା, ତଥା ମାଓବାଦୀଙ୍କ ଦବଦବା ସତ୍ତ୍ବେ ଚିତ୍ରକୋଣ୍ଡା, କଲିମେଳା, ଏବଂ ଛତିଶଗଡର ବିଭିନ୍ନ ମାଓ ଅଧୁଷିତ ଅଞ୍ଚଳରେ ପହଞ୍ଚି ନିରପେକ୍ଷ ଖବର ପରିବେଷଣ କରିଛନ୍ତି ।

ଦିଲ୍ଲୀ ଠାରେ ଆୟୋଜିତ ଓଡିଶା ଜର୍ନାଲିସମ ଆୱାର୍ଡ ୨୦୨୨ ସମ୍ମିଳନୀରେ ମାନ୍ୟବର କେନ୍ଦ୍ର ଶିକ୍ଷା ଓ ଦକ୍ଷତା ବିକାଶ ମନ୍ତ୍ରୀ ଶ୍ରୀ ଯୁକ୍ତ ଧର୍ମେନ୍ଦ୍ର ପ୍ରଧାନଙ୍କ କରକମଳରେ ମାଲକାନଗିରି ଜିଲ୍ଲାର ବରିଷ୍ଠ ସାମ୍ବାଦିକ ଜିତେନ୍ଦ୍ର ବେଉରା ସାମ୍ନାନିତ ହୋଇଛନ୍ତି  । ମାଲକାନଗିରି ସାମ୍ବାଦିକ ସଂଘ ତରଫରୁ ଶ୍ରୀ ବେଉରାଙ୍କୁ ଅଭିନନ୍ଦନ ଜ୍ଞାପନ କରାଯାଇଛି ।