ସମାଜ ଡିଜିଟାଲ ଡେସ୍କ: ଧରାବତରଣ କରିଛନ୍ତି ଜଗତଜନନୀ ମା ଦୁର୍ଗା । ମାଆଙ୍କ ଆଗମନରେ ଗାଁଠୁ ସହର ଉତ୍ସବମୁଖର ହୋଇଛି। ମଣ୍ଡପରେ ଆଜି ମାଙ୍କ ମହାଅଷ୍ଟମୀ ପୂଜା ଚାଲିଥିବା ବେଳେ ଶକ୍ତିପୀଠରେ ଚାଲିଛି ମହାନବମୀ ପୂଜା । ମହାଅଷ୍ଟମୀ ପୂଜାରେ ଉପବାସ କରିଥିବା ମାନସିକଧାରୀ ସକାଳୁ ସକାଳୁ ପୂଜା ପାଇଁ ମଣ୍ଡପରେ ଭିଡ ଜମାଇଛନ୍ତି ।
ନବରାତ୍ରି ଅବସରରେ ଚଳଚଞ୍ଚଳ ରାଜ୍ୟର ପ୍ରମୁଖ ଶକ୍ତିପୀଠ । ରୀତିନୀତିରେ ମାଙ୍କର ଆଜି ମହାନବମୀ ପୂଜା କରାଯାଉଛି । ଘଣ୍ଟଘଣ୍ଟା ଓ ମନ୍ତ୍ର ଧ୍ୱନିରେ ପ୍ରକମ୍ପିତ ହୋଇଛି ପୁରା ପରିବେଶ । ଆଧ୍ୟାତ୍ମିକ ଓ ଭକ୍ତିମୟ ପରିବେଶ ମଧ୍ୟରେ ଭକ୍ତମାନେ ମାଆଙ୍କ ବେଶ ଦର୍ଶନ କରି କରୁଣା ଲାଭ କରୁଛନ୍ତି ।
