୭ରୁ ବିଜେଡିର ଦ୍ୱିତୀୟ ପର୍ଯ୍ୟାୟ ମହାନଦୀ ସମାବେଶ: ସୂର୍ଯ୍ୟ ପାତ୍ର, ଚୂଡ଼ାନ୍ତ ହୋଇନି: ପ୍ରତାପ ଦେବ

ଭୁବନେଶ୍ୱର: ବିଜେଡିର ମହାନଦୀ ସମାବେଶର ଦ୍ୱିତୀୟ ପର୍ଯ୍ୟାୟ ମେ ୭ ତାରିଖରୁ ଆରମ୍ଭ ହେବ। ମହାନଦୀ ଉପକୂଳ ଜିଲା ଓ ଅଞ୍ଚଳଗୁଡ଼ିରେ ଏହି ସମାବେଶ ଅନୁଷ୍ଠିତ ହେବ। ନଦୀର ଉଭୟ କୂଳରେ ଦଳୀୟ କାର୍ଯ୍ୟକ୍ରମ ଅନୁଷ୍ଠିତ ହେବ। ନଦୀପଠାରେ ମନ୍ତ୍ରୀ, ନେତା, ବିଧାୟକ ଓ ଦଳୀୟ କର୍ମୀମାନେ ରାତ୍ରି ଯାପନ କରିବେ ବୋଲି ଖାଦ୍ୟ ଓ ଯୋଗାଣ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ର କହିଛନ୍ତି। ଅପରପକ୍ଷରେ ଏଭଳି କୌଣସି କାର୍ଯ୍ୟକ୍ରମ ସ୍ଥିର ହୋଇନାହିଁ ବୋଲି କହିଛନ୍ତି ବିଜେଡି ମୁଖପାତ୍ର ତଥା ରାଜ୍ୟସଭା ସାଂସଦ ପ୍ରତାପ ଦେବ। ସମାବେଶ ପାଇଁ ଆଲୋଚନା ଚାଲିଛି। ପ୍ରେସ୍‍ ବିବୃତ୍ତିରେ ଏ ସମ୍ପର୍କରେ ସୂଚନା ଦିଆଯିବ। ମନ୍ତ୍ରୀ ଶ୍ରୀ ପାତ୍ର ଯାହା କହିଛନ୍ତି ତାହା ତାଙ୍କ ନିଜସ୍ୱ ବୋଲି ଶ୍ରୀ ଦେବ କହିଛନ୍ତି।