ନୂଆଦିଲ୍ଲୀ : ମହାକୁମ୍ଭ ୨୦୨୫ ପାଇଁ ସରକାରଙ୍କ ତରଫରୁ ଅନେକ ବ୍ୟବସ୍ଥା କରାଯାଇଛି । କୋଟି କୋଟି ସଂଖ୍ୟାରେ ଭକ୍ତ ସଙ୍ଗମ ନଗରୀରେ ବୁଡ ପକାଉଛନ୍ତି । ସାମାଜିକ ଗଣମାଧ୍ୟମରେ ଅନେକ ଫଟୋ ଓ ଭିଡିଓ ଭାଇରାଲ ହେଉଛି । କିଛି ଡ୍ରୋନ୍ ଭିଡିଓ ସମସ୍ତଙ୍କ ମନ ମୋହୁଛି । ତେବେ ନିକଟରେ ମହାକାଶରୁ ପ୍ରୟାଗରାଜ କୁମ୍ଭ ମେଳାର ଏକ ଫଟୋ ଭାଇରାଲ ହେଉଛି ଯାହା ସମସ୍ତଙ୍କୁ ଖୁସି କରିବା ସହ ଆଶ୍ଚର୍ଯ୍ୟ କରୁଛି ।
2025 Maha Kumbh Mela Ganges River pilgrimage from the ISS at night. The largest human gathering in the world is well lit. pic.twitter.com/l9YD6o0Llo
— Don Pettit (@astro_Pettit) January 26, 2025
ମହାକୁମ୍ଭର ମହାକାଶରୁ ନିଆଯାଇଥିବା ଫଟୋ ସମସ୍ତଙ୍କ ଧ୍ୟାନ ଆକର୍ଷିତ କରୁଛି । ଏହି ଫଟୋ ନାସାର ମହାକାଶ ଯାତ୍ରୀ ଡୋନାଲ୍ଡ ପେଟିଟ୍ ନିଜ ଏକ୍ସ ହ୍ୟାଣ୍ଡେଲରେ ପୋଷ୍ଟ କରିଛନ୍ତି । ପୋଷ୍ଟରେ ମହାକୁମ୍ଭର ଦୃଶ୍ୟ ମହାକାଶରୁ କିଛି ଭିନ୍ନ ନଜର ଆସୁଛି । ଆଲୋକରେ ଚିକମିକ୍ କରୁଛି ସଙ୍ଗମ ନଗରୀ । ସମସ୍ତେ ଏହାକୁ ଖୁବ୍ ପସନ୍ଦ କରୁଛନ୍ତି । କହିରଖୁଛୁ ମହାକୁମ୍ଭ ୨୦୨୫ ର ସମାପନ ଫେବୃୟାରୀ ୨୬ରେ ହେବ ।
