ସନାତନ ଧର୍ମରେ ପୂର୍ଣ୍ଣିମାର ତିଥି ଖୁବ ମହତ୍ତ୍ୱପୂର୍ଣ୍ଣ। ହିନ୍ଦୁ ପଞ୍ଜିକା ଅନୁସାରେ ମାଘ ମାସର ଶୁକ୍ଳ ପକ୍ଷର ପୂର୍ଣ୍ଣିମା ତିଥିରେ ଏହି ପୂର୍ଣ୍ଣିମା ପାଳନ କରାଯାଏ। ମାଘ ମାସର ପୂର୍ଣ୍ଣିମା ୨୪ ଫେବ୍ରୁଆରୀ ଅର୍ଥାତ ଶନିବାର ପାଳନ କରାଯିବ। ମାଘ ପୂର୍ଣ୍ଣିମାରେ ଚଳିତ ଥର ଏକ ବିଶେଷ ଯୋଗ ସୃଷ୍ଟି ହେବାକୁ ଯାଉଛି।
ଜ୍ୟୋତିଷଙ୍କ ମତାନୁସାରେ ମାଘ ପୂର୍ଣ୍ଣିମାରେ ମା’ଲକ୍ଷ୍ମୀଙ୍କ ସହ ଜଡିତ କିଛି ବିଶେଷ ଉପାୟ ଆପଣାଇବା ଦ୍ୱାରା ଅତ୍ୟନ୍ତ ଶୁଭଫଳ ପ୍ରାପ୍ତି ହୋଇଥାଏ। ବର୍ଷଯାକ ଧନର ବର୍ଷା ହୋଇଥାଏ। ଆର୍ଥିକ ସମସ୍ୟା ମଧ୍ୟ ଦୂର ହୋଇଥାଏ।
ମାଘ ପୂର୍ଣ୍ଣିମା ଦିନ ଘରର ମୁଖ୍ୟ ଦ୍ୱାରରେ ସ୍ୱସ୍ତିକ ଚିହ୍ନ ଆଙ୍କନ୍ତୁ। ଏପରି କରିବା ଦ୍ୱାରା ମା’ଲକ୍ଷ୍ମୀଙ୍କ ବିଶେଷ କୃପା ମିଳିଥାଏ। ଘରର ଆର୍ଥିକ ସମସ୍ୟା ଦୂର ହୋଇ ବର୍ଷଯାକ ଧନର ଅଭାବ ଦୂର ହୋଇଥାଏ।
ମାଘ ପୂର୍ଣ୍ଣିମା ଦିନ ମା’ଲକ୍ଷ୍ମୀ ସ୍ତୋତର ପାଠ କରନ୍ତୁ। ଏହି ଦିନ ଏହାକୁ ପାଠ କରିବା ଦ୍ୱାରା ଜୀବନରେ ଉନ୍ନତି ସହ ସମସ୍ତ ସମସ୍ୟା ଦୂର ହୋଇଥାଏ ବୋଲି ଶାସ୍ତ୍ରରେ ମାନ୍ୟତା ରହିଛି।
ଏହି ଦିନ ମହାମୃତ୍ୟୁଞ୍ଜୟ ମନ୍ତ୍ରର ଉଚ୍ଚାରଣ କରନ୍ତୁ। ଏହାଦ୍ୱାରା ସମସ୍ତ ସମସ୍ୟାରୁ ମୁକ୍ତି ମିଳିଥାଏ।
ମାଘ ପୂର୍ଣ୍ଣିମା ଦିନ ମା’ଲକ୍ଷ୍ମୀଙ୍କ ପୂଜନ କରିବା ଖୁବ ଶୁଭଙ୍କର। ବିଶେଷ କରି ଗୋଧୂଳି ବେଳାରେ ପୂଜା କରିବା ଦ୍ୱାରା ବିଶେଷ ଲାଭ ମିଳିଥାଏ।
ମାଘ ପୂର୍ଣ୍ଣିମା ଦିନ ତୁଳସୀଙ୍କ ନିକଟରେ ଦୀପ ନିଶ୍ଚୟ ଲଗାନ୍ତୁ। ଏହାସହ ମା’ବୃନ୍ଦାବତୀଙ୍କ ମନ୍ତ୍ରର ଜପ କରନ୍ତୁ। ଏପରି କରିବା ଦ୍ୱାରା ଅତ୍ୟନ୍ତ ଶୁଭଫଳ ମିଳିବା ସହ ମା’ଲକ୍ଷ୍ମୀ ପ୍ରସନ୍ନ ହୋଇଥାଆନ୍ତି।
Comments are closed.