ଇନ୍ଦୋର: ଅଧିକାଂଶ ସମୟରେ ବିବାଦରେ ଘେରି ରହିଥିବା ଇନ୍ଦୋର ରାଉ ନିର୍ବାଚନ କ୍ଷେତ୍ରର କଂଗ୍ରେସ ବିଧାୟକ ତଥା ଦଳର କାର୍ଯ୍ୟକାରୀ ଅଧ୍ୟକ୍ଷ ଜୀତୁ ପଟବାରୀ ପୁଣି ଏକ ନୂଆ ବିବାଦରେ ଛନ୍ଦି ହୋଇ ପଡ଼ିଛନ୍ତି। ନିର୍ବାଚନ ପୂର୍ବରୁ ସୋସିଆଲ ମିଡିଆରେ ପ୍ରଚାରିତ ଜିତୁଙ୍କ ଏହି ଭିଡିଓ ତାଙ୍କୁ ଆଗାମୀ ଦିନରେ ପୁଣି ଥରେ ବିବାଦ ମଧ୍ୟକୁ ଟାଣି ଆଣିବାର ସମ୍ଭାବନା ଦେଖା ଦେଇଛି। ଲୋକଙ୍କ ଘରଘର ବୁଲି ନିଜ ପାଇଁ ପ୍ରଚାର କରୁଥିବା ଜିତୁ ପଟବାରୀ ଓ ଭୋଟରଙ୍କ ମଧ୍ୟରେ ହେଉଥିବା କଥୋପଥନ ତାଙ୍କ ପାଇଁ ନୂଆ ବିବାଦ ସୃଷ୍ଟି କରିଛି। ଏହି ଭିଡିଓକୁ ନେଇ ପୁଣି ଚର୍ଚ୍ଚା ଜୋର ଧରିବାରେ ଲାଗିଛି। ଆସନ୍ନ ନିର୍ବାଚନ ପାଇଁ ପ୍ରଚାର କରୁଥିବା ଜିତୁ ପଟବାରୀ ତାଙ୍କ ସମ୍ମାନ ବଜାୟ ରଖିବାକୁ ତାଙ୍କୁ ସମର୍ଥନ ଭିକ୍ଷା କରିବା ସହ ଦଳ ପଛେ ରସାତଳକୁ ଯାଉ ସମର୍ଥନ ବଜାୟ ରଖିବାକୁ ଅନୁରୋଧ କରୁଛନ୍ତି। ଏହି ଭିଡ଼ିଓ ଆଗାମୀ ଦିନରେ ଜିତୁଙ୍କୁ ଅଡ଼ୁଆରେ ପକାଇବାର ସମ୍ଭାବନାକୁ ଏଡ଼ାଇ ଦିଆଯାଇ ନପାରେ। ଯେଉଁ ଦଳର ସମ୍ମାନିତ ପଦରେ ଅଧିଷ୍ଠିତ ହୋଇ ଜିତୁ ଦଳକୁ ଏଭଳି ସମାଲୋଚନା ଆଗାମୀ ଦିନରେ ମଧ୍ୟପ୍ରଦେଶ ରାଜନୀତିକୁ ଚଳଚଞ୍ଚଳ କରିବାର ସମ୍ଭାବନା ଏଡ଼ାଇ ଦିଆଯାଇ ନପାରେ।
