ଭାରତୀୟ କ୍ରିକେଟ ଦଳର ଅନ୍ୟତମ ସଫଳ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ଜୀବନୀକୁ ନେଇ ପୁଣି ଆରମ୍ଭ ହେବ ଚଳଚ୍ଚିତ୍ର। ୨୦୧୬ରେ ମୁକ୍ତିଲାଭ କରିଥିଲା ଧୋନିଙ୍କ ବାଇଓପିକ୍ ‘ଏମ୍.ଏସ୍.ଧୋନି – ଦ ଅନଟୋଲଡ ଷ୍ଟେରୀ ’ । ନିରଜ ପାଣ୍ଡେଙ୍କ ନିର୍ଦେଶିତ ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଥିଲେ ସୁଶାନ୍ତ ସିଂହ ରାଜପୁତ୍। ଏହି ପ୍ରସିଦ୍ଧ କ୍ରିକେଟ ତାରକା ମହେନ୍ଦ୍ର ସିଂ ଧୋନିଙ୍କ ଜୀବନର ସଂଘର୍ଷ ଓ ସଫଳତାର କାହାଣୀକୁ ନେଇ ନିର୍ମିତ ଏହି ଚଳଚ୍ଚିତ୍ର ସୁପରହିଟ୍ ହେବା ସହ ୨୧୬ କୋଟି ଟଙ୍କାର ବ୍ୟବସାୟ କରିଥିଲା।
ତେବେ ଖୁବ୍ ଶୀଘ୍ର ଏହାର ଦ୍ବିତୀୟ ଭାଗର ନିର୍ମାଣ କାର୍ଯ୍ୟ ଆରମ୍ଭ ହେବ। ୨୦୧୮ ଶେଷବେଳକୁ ସୁଟିଂ ଆରମ୍ଭ ହେବାର ଯୋଜନା ରହିଛି। ଦ୍ବିତୀୟ ଭାଗରେ ଧୋନି ପିତା ହେବା ସହ ତାଙ୍କ ପାରିବାରିକ କାହାଣୀକୁ ଅଧିକ ଭଲଭାବେ ସ୍ଥାନିତ କରାଯିବାର ଯୋଜନା ଥିବା ପ୍ରକାଶ। ଧୋନି ଓ ତାଙ୍କ ପରିବାର ଲୋକେ ଏଥିରେ ପୂର୍ଣ୍ଣ ସହଯୋଗ କରିବେ ବୋଲି କହିଛନ୍ତି।
