ନୂଆଦିଲ୍ଲୀ : ସାଇବର ଠକେଇର ଆଉ ଏକ ନୂଆ ମାମଲା ସାମ୍ନାକୁ ଆସିଛି। ଠକେଇର ଶିକାର ହୋଇ ଜଣେ ବ୍ୟାଙ୍କ ମ୍ୟାନେଜର ୪୮ ଲକ୍ଷ ଟଙ୍କା ହରେଇଛନ୍ତି। ଏହି ଘଟଣା ତାମିଲନାଡୁର କୋଏମ୍ବଟୁରର। କୋଏମ୍ବଟୁରରରେ ବାସ କରୁଥିବା ଜଣେ ବ୍ୟାଙ୍କ ମ୍ୟାନେଜର ଚଳିତ ବର୍ଷ ମାର୍ଚ୍ଚ ମାସରେ ଏକ ମେସେଜ ଆସିଥିଲା। ଏହି ମେସେଜ ହ୍ୱାଟ୍ସ ଆପ୍ ଜରିଆରେ ଆସିଥିଲା। ନିଜକୁ ଚାକିରି ଦେବା ସଂସ୍ଥାର ମାଲିକ ବୋଲି କହିବା ସହ ଅଧିକ ଟଙ୍କା ରୋଜଗାର କରିବାର ଲାଳସା ଦେଇଥିଲେ।
୧୪ ମାର୍ଚ୍ଚରୁ ୧ ମେ’ ପର୍ଯ୍ୟନ୍ତ ଚାଲଥିବା ଏହି ଠକେଇରେ ଫସି ବ୍ୟାଙ୍କ ମ୍ୟାନେଜର ଟଙ୍କା ପଠାଇ ଚାଲିଥିଲେ। ଏହାପରେ ନିଜ ଟଙ୍କା ଫେରସ୍ତ ପାଇଁ ଚେଷ୍ଟା କରି ଜାଣିଥିଲେ ସେ ସାଇବର ଠକେଇର ଶିକାର ହୋଇଛନ୍ତି। ଏହାପରେ ବ୍ୟକ୍ତି ଜଣକ ସମ୍ପୂର୍ଣ୍ଣ ଘଟଣା ବିଷୟରେ ପୁଲିସ ନିକଟରେ ଜଣାଇବା ସହ ଅଭିଯୋଗ କରିଥିଲେ। ପୁଲିସ ମାମଲା ରୁଜୁ କରିବା ସହ ଘଟଣାର ତଦନ୍ତ ଆରମ୍ଭ କରିଛି।
ଦେଖନ୍ତୁ ଭିଡିଓ ; ବାଇକରେ ଯାଉଥିଲେ ଯୁବକ, ନା ଥିଲା ହେଲମେଟ୍, ନମ୍ବରପ୍ଲେଟ୍, ତଥାପି କଟିଲାନି ଚାଲାଣ..
ଅଜଣା ନମ୍ବରରେ ଆସୁଥିବା ଫୋନ୍ କଲ୍ କିମ୍ବା ମେସେଜ ଜରିଆରେ ଯେତେ ଲାଳସା ଦେଖାଇଲେ ମଧ୍ୟ ସାବଧାନ ରହିବା ସହ ଠକେଇ ଶିକାର ହେବା ଠାରୁ ଦୂରେଇ ରହିବାକୁ କୁହାଯାଇଛି।
