ସୋର : ଉତ୍ତରେଶ୍ଵର ବାସନ୍ତୀ ଅଟୋ ପାର୍ଟ ଦୋକାନରୁ ୫୦ ହଜାର ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି । ସିସିଟିଭି ଫୁଟେଜରେ ଆଧାରରେ ସୋର ପୁଲିସ ଏକ ମାମଲା ରୁଜୁ କରି ଦୁଇ ଜଣଙ୍କୁ ଅଟକ ରଖିଛି ।
ସୂଚନାଯୋଗ୍ୟ, ରେମୁଣା ବ୍ଲକ ଜିଡିତାଳର ଅକ୍ଷୟ ବିଶ୍ବାଳ ଉତ୍ତରେଶ୍ଵରରେ ବାସନ୍ତି ଅଟୋ ପାର୍ଟ ଦୋକାନ କରିଛନ୍ତି । ଶୁକ୍ରବାର ସକାଳେ ଦୋକାନ ଖୋଲି ଝାଡୁ ମାରି ପାଣି ଆଣିବାକୁ ଯାଇଥିଲେ । ସେହି ସୁଯୋଗରେ ବାଲେଶ୍ଵର ଫୁଲାଡିର ଜଣେ ଯୁବକ ଦୋକାନରେ ପଶି ଡ୍ରୟର ଖୋଲି ୫ଶହ ଟଙ୍କାର ଏକ ବଣ୍ଡଲ୍ ନେଇ ଫେରାର ହୋଇଯାଇଥିଲା । ଯାହା ସିସିଟିଭିରେ କଏଦ ହୋଇଥିଲା । ସ୍ଥାନୀୟ ଜଣେ ଯୁବକ ଅଭିଯୁକ୍ତକୁ କଲେଜ ଛକରୁ ଧରି ପୁଲିସ ଜିମା ଦେଇଥିଲା । ପୁଲିସ ଅଭିଯୁକ୍ତର ମାମୁଁ ମୁକୁନ୍ଦକୁ ମଧ୍ୟ ଅଟକ ରଖିଛି । ଏହି ମାମଲାରେ ପୁଲିସ ତଦନ୍ତ ଚଳାଇଥିବା ବେଳେ ଏପର୍ଯ୍ୟନ୍ତ ଟଙ୍କା ଉଦ୍ଧାର ହୋଇ ପାରିନାହିଁ ।
