ସମାଜ ଡିଜିଟାଲ ଡେସ୍କ: ସୁବର୍ଣ୍ଣରେଖାରେ ରବିବାର ଡଙ୍ଗା ବୁଡ଼ି ଘଟଣା ସାମ୍ନାକୁ ଆସିଛି। ଏକ ଦେଶୀ ଡଙ୍ଗାରେ ୪ ଜଣ ବ୍ୟକ୍ତି ୪ଟି ବାଇକ ସହିତ ହୁଡ଼ାପାଳରୁ ରସୁଲପୁର ଯାଉଥିବାବେଳେ ତାହା ବୁଡ଼ିଯାଇଥିଲା। ଫଳରେ ବାଇକ ସହିତ ସେମାନେ ବୁଡ଼ି ଯାଇଥିଲେ। ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରିଥିବା ସୂଚନା ମିଳିଛି।
ସୁବର୍ଣ୍ଣରେଖାରେ ଜଳସ୍ତର ବୃଦ୍ଧି ପାଇଥିବାବେଳେ ନଦୀ ଅବବାହିକାରେ ଥିବା ଗ୍ରାମଗୁଡ଼ିକରେ ବନ୍ୟାଜଳ ପ୍ରବେଶ କରିଛି। ଫଳରେ ଅଞ୍ଚଳବାସୀ ଜଳଘେରରେ ରହିଛନ୍ତି। ରାସ୍ତାଘାଟ ବନ୍ଦ ଥିବାରୁ ଲୋକେ ଡଙ୍ଗା ସହାୟତାରେ ଯାତାୟାତ କରୁଛନ୍ତି। ଡଙ୍ଗାରେ ଗୋଟିଏ ଗାଁରୁ ଅନ୍ୟ ଗାଁକୁ ଯାଉଛନ୍ତି।
