ଧାମରା : ଭାରତୀୟ ଜୀବନ ବୀମା ନିଗମ(ଏଲଆଇସି), ଚାନ୍ଦବାଲି ଶାଖାର ୧୩ତମ ପ୍ରତିଷ୍ଠା ଦିବସ ପାଳିତ ହୋଇ ଯାଇଛି । ଏଲଆଇସି ଚାନ୍ଦବାଲି ଅଫିସ ସଭାଗୃହରେ ହୋଇଥିବା ସଭାରେ ମୁଖ୍ୟ ଅତିଥି ଭାବେ ଜୀବନ ବୀମା ନିଗମ କଟକ ଶାଖାର ମୁଖ୍ୟ ପରିଚାଳକ ଅନନ୍ତ ଭୁଷଣ ରଥ ଯୋଗ ଦେଇ ଆଗାମୀ ଦିନରେ ସାଧାରଣ ଜନତାଙ୍କ ପ୍ରତି ଜୀବନ ବୀମା କେବଳ ବୀମା ହୋଇରହି ନାହିଁ ବରଂ ପ୍ରତ୍ୟେକ କ୍ଷେତ୍ରରେ ଏକ ମାଇଲଖୁଣ୍ଟ ହୋଇ ରହିଥିବା କଥା ନିଜର ଅଭିଭାଷଣରେ ମତ ରଖିଥିଲେ। ସମ୍ମାନୀତ ଅତିଥି ଭାବେ କଟକ ଡିଭିଜନର ବିକ୍ରୟ ପରିଚାଳକ ପି. ରାଜଶେଖର ଯୋଗ ଦେଇ ଉପସ୍ଥିତ ଥିବା ଶତାଧିକ ଏଜେଣ୍ଟ ମାନଙ୍କୁ କିପରି ସାଧାରଣ ଜନତାଙ୍କୁ ସମସ୍ତ ସମୟରେ ସାହାଯ୍ୟ କରି ଭାରତୀୟ ଜୀବନ ବୀମା ସମସ୍ତ ପଲିସିକୁ ଅବଗତ କରାଇବା ସହ ସେମାନଙ୍କ ସୁଖଦୁଃଖରେ ସାମିଲ କରିବାକୁ କହିଥିଲେ।
ଆଜିର ଏହି ପ୍ରତିଷ୍ଠା ଦିବସରେ ଚାନ୍ଦବାଲି ଶାଖାର ପରିଚାଳକ ଅକ୍ଷୟ କୁମାର ନାୟକ ସଭାପତିତ୍ୱ କରିଥିବା ବେଳେ ଉପସ୍ଥିତ ଥିବା ବରିଷ୍ଠ ବୀମାକର୍ତ୍ତା ତଥା ମୁଖ୍ୟ ଜୀବନବୀମା ପରାମର୍ଶଦାତା ପ୍ରଭାକର ବିଶ୍ୱାଳ ଅତିଥି ପରିଚୟ ପ୍ରଦାନ କରିବା ସହ ଧନ୍ୟବାଦ ଅର୍ପଣ କରିଥିଲେ। ଏହି ପ୍ରତିଷ୍ଠା ଦିବସରେ ଚାନ୍ଦବାଲି ଶାଖାର ପ୍ରଶାସନିକ ଅଧିକାରୀ ଗୟାଧର ଦାସ , ବିଭୂତି ଭୂଷଣ ବେହେରା ସୁଧାକର ବିଶ୍ୱାଳ, ଅଲେଖ କୁମାର ସାହୁ, ନରୋତମ ଦାସ, ପ୍ରମୋଦ କୁମାର ମହାଳିକ, ମନୋରଞନ ମହାନ୍ତଙ୍କ ସମେତ ପ୍ରମୁଖ ଯୋଗ ଦେଇଥିଲେ । ଜୀବନ ବୀମା ନିଗମର ଦିପୁନ କୁମାର ବିଶ୍ୱାଳ, ନିରଞନ ନାୟକଙ୍କ ସମେତ ଶତାଧିକ ଏଜେଣ୍ଟ ଏବଂ ସାଧାରଣ ଜନତା ପ୍ରମୁଖ ଉପସ୍ଥିତ ଥିଲେ।
