ନୂଆଦିଲ୍ଲୀ : ଭାରତର ଅଧିକାଂଶ ଅଞ୍ଚଳରେ ଗ୍ରୀଷ୍ମପ୍ରବାହ ଜାରି ରହିଛି। ଗ୍ରୀଷ୍ମପ୍ରବାହରୁ ରକ୍ଷା ପାଇଁ ବର୍ଷା କରାଇବାକୁ ଇନ୍ଦ୍ରଦେବଙ୍କୁ ଚିଠି ଲେଖିଛନ୍ତି କାନପୁରର ଜଣେ ଓକିଲ। କାନପୁର ଏବଂ ଏହାର ଆଖପାଖ ଅଞ୍ଚଳରେ ତାପମାତ୍ରା ପ୍ରାୟତଃ ୪୫ ଡିଗ୍ରୀ ରହୁଛି। ଗରମରେ କାନପୁରବାସୀଙ୍କ ଅବସ୍ଥା ଖରାପ ହୋଇଯାଇଥିବାରୁ ସେମାନଙ୍କ ତରଫରୁ ଇନ୍ଦ୍ରଦେବଙ୍କୁ ଚିଠି ଲେଖିଥିବା ଓକିଲ ଅତୁଲ ସାୱରେ କହିଛନ୍ତି। ଅତୁଲ ଲେଖିଥିବା ଚିଠି ସାମାଜିକ ଗଣମାଧ୍ୟମରେ ପ୍ରଘଟ ହୋଇଛି। ଏଥିରେ ଅତୁଲ ଲେଖିଛନ୍ତି କାନପୁରରେ କିଛିଦିନ ହେବ ଗ୍ରୀଷ୍ମପ୍ରବାହ ଜାରି ରହିଥିବାରୁ ଜନସାଧାରଣ ବହୁତ କଷ୍ଟର ସମ୍ମୁଖୀନ ହେଉଛନ୍ତି। ଏପରିକି ବହୁ ଲୋକ ପ୍ରାଣ ହରାଇଛନ୍ତି। ଜନସାଧାରଣଙ୍କୁ ରକ୍ଷା କରିବା ପାଇଁ ଇନ୍ଦ୍ରଦେବ ପ୍ରବଳ ବର୍ଷା କରାଇବା ଆବଶ୍ୟକ। ଏଥିସହ ପବନ ଦେବତାଙ୍କୁ ମଧ୍ୟ କାନପୁର ଅଞ୍ଚଳରେ ପ୍ରତିଦିନ ଜୋର୍ରେ ପବନ କରାଇବାକୁ ଇନ୍ଦ୍ରଦେବ ନିର୍ଦେଶ ଦେବା ଆବଶ୍ୟକ ବୋଲି ଅତୁଲ ବିନମ୍ର ଅନୁରୋଧ କରିଛନ୍ତି। ତେବେ ବର୍ଷା ସମୟରେ କୁଆପଥର ମାଡ଼ ନ କରିବାକୁ ଅତୁଲ ଇନ୍ଦ୍ରଦେବଙ୍କ ନିକଟରେ ପତ୍ର ମାଧ୍ୟମରେ ନିବେଦନ କରିଛନ୍ତି।
Popular Categories
Previous article
Next article