ଲକ୍ଷ୍ମୀପୁର: କୋରାପୁଟ ରାୟଗଡା ରେଳ ଲାଇନ ଗଲାବେଳେ ଯେଉଁ ମାନଙ୍କର ଜମି ଯାଇଛି ସେମାନଙ୍କୁ କ୍ଷତିପୂରଣ ଓ ନିଯୁକ୍ତି ଦାବୀ ଲକ୍ଷ୍ମୀପୁର ଷ୍ଟେଷନ ସମ୍ମୁଖରେ ଶତାଧିକ ଲୋକ ଗୁରୁବାର ବିକ୍ଷୋଭ ପ୍ରଦର୍ଶନ କରିଥିଲେ। ଅଭିଯୋଗ ଅନୁଯାୟୀ ଜମିହରାଇଥିବା ଲୋକମାନେ ସେମାନଙ୍କ ଦାବୀ ପୁରଣ ପାଇଁ ବର୍ଷ ବର୍ଷ ହେଲା ଜଣାଇ ଆସୁଥିଲେ ମଧ୍ୟ ତାଙ୍କ କଥା ଶୁଣାଯାଉ ନାହିଁ। ଏପରିକି ଜମି ହରାସଂଘ ଏନେଇ ୨୦୧୯ ରେଳରୋକ ଆନ୍ଦୋଳନ ମଧ୍ୟ କରିଥିଲା, ତେବେ ଆଜି ପର୍ଯ୍ୟନ୍ତ ସେମାନଙ୍କ ଦାବୀ ପୂରଣ ହୋଇ ପାରୁନାହିଁ। ଯାହା ଫଳରେ କୋରାପୁଟ ଜିଲାର ବିଭିନ୍ନ ଷ୍ଟେସନ ଦେଇ ଟ୍ରେନ ଲାଇନ ଯାଇଥିବା ବେଳେ ଯେଉଁ ମାନେ ଜମି ହରାଇଛନ୍ତି ସେମାନଙ୍କ ମଧ୍ୟରୁ ଶତାଧିକ ଜମିହରା ଲକ୍ଷ୍ମୀପୁର ଷ୍ଟେଷନ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରି ଏକ ଦାବୀପତ୍ର ପ୍ରଦାନ କରିଛନ୍ତି। ଦାବୀ ଗୁଡ଼ିକ ମଧ୍ୟରେ ରେଳପଥ ଗଲାବେଳେ ଜମି ହରାଇଥିବା ଲୋକ କିମ୍ବା ସେମାନଙ୍କ ପୁଅଝିଅଙ୍କୁ ଯୋଗ୍ୟତା ଅନୁସାରେ ନିଯୁକ୍ତି ଏବଂ କ୍ଷତି ପୂରଣ ଦେବାକୁ ନିବେଦନ କରାଯାଇଛି। ପୁନର୍ବାର ଜମି ଚିହ୍ନଟ ଓ ପୁନଃ ମୂଲ୍ୟାୟନ ପାଇଁ ଦାବୀ ପତ୍ରରେ ଉଲ୍ଲେଖ କରାଯାଇ କରାଯାଇଛି। ସେହିପରି ପଞ୍ଚାୟତ ନିର୍ବାଚନ ପରେ ଏକ କମିଟି ଗଠନ କରାଯାଇ ଦାବୀ ପୂରଣ ଦିଗରେ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି ଦିଆଯିବା ପରେ ସକାଳ ୮ ରୁ ଆରମ୍ଭ ହୋଇଥିବା ଉକ୍ତ ବିକ୍ଷୋଭ ଓ ଧାରଣା ପ୍ରତ୍ଯାହୃତ ହୋଇଥିଲା।
ଏହି ସମୟରେ ରାୟଗଡ଼ାର ଜିଆରପିର ଉପଖଣ୍ଡ ଅଧିକକ୍ଷ ଦେବେନ୍ଦ୍ର ନାଦ ପିଙ୍ଗୋ, ଜଗଦଲପୁର ନମସ୍ତେ ରେଳ ସୁରକ୍ଷା ବଳର ସହକାରୀ କମିଶନର ସଂଜୟ ବର୍ମା, ତହସିଲଦାର ବନବିହାରୀ ଦିଣ୍ଡା, ଲକ୍ଷ୍ମୀପୁର ଥାନା ଅଧିକାରୀ ଶ୍ବେତପଦ୍ମା ସେଠ୍ , ରେଳ ସୁରକ୍ଷା ବଳର ନିରୀକ୍ଷକ ବି. କେ. ଡୁଙ୍ଗଡୁଙ୍ଗ ପ୍ରମୁଖ ଉପସ୍ଥିତ ଥିଲେ। ସେହିପରି ସୁରକ୍ଷା ପାଇଁ ଆଇଆରବି ଯବାନଙ୍କ ସହିତ ଆରପିଏଫ ଓ ଜିଆରପି ଯବାନ ମାନେ ଉପସ୍ଥିତ ଥିଲେ। ଏଠାରେ ଅବିଭକ୍ତ କୋରାପୁଟ ଜିଲା ଜମିହରା ସଂଘର ସଭାପତି ଜଳନ୍ଧର ଖିଲ, ସମ୍ପାଦକ ପବନ ଗୌଡ଼, କାର୍ଯ୍ୟକାରୀ ସଭାପତି ଲିଙ୍ଗରାଜ ଖରା, ହାଡୁ ତୁରୁକ୍, ଦିଲୀପ କୁମାର ସାହୁ ଓ ପ୍ରସାଦ ହିକକା ଙ୍କ ସହିତ ପାଟାଗାର,ସିଙ୍ଗାରାମ୍ ଭାଲୁ ଜୋଡି, ବିରିଗୁଡା, ଭୁଇଁପାଟଣା, ପୁଞ୍ଜିସିଲ୍, ନିସାର୍, ଓଡିଆପେଣ୍ଠ, ଉସ୍କା ଭଟା, କୁରୁମିଲି, ଖଜୁରୀପୁଟ୍ ଡଙ୍ଗାପାଇଗୁଡା, ଭିତରଗଡ, କାପ୍ସିପୁଟ୍, ବାରିଗାଁ, ଦାମନଯୋଡି, ମାତଲିଗୁଡା, ଖାଲପାଢି ଚୌଗାଁ, ଚେରଗାଁ ଗୁଡା, ବନ୍ଦଗୁଡା, ଘାଟଗୁଡା, ମହନ ପଡା, ଆମଟିଗୁଡା, ଚିନ୍ଦିରି ଲକ୍ଷ୍ମୀପୁର ଆଦି ଗ୍ରାମର ଶତାଧିକ ଜମିହରା ଉପସ୍ଥିତ ଥିଲେ।
