ଲାଞ୍ଜିଗଡ: କଳାହାଣ୍ଡି ଜିଲା ଲାଞ୍ଜିଗଡ ବ୍ଲକ କଦମଗୁଡା ପଞ୍ଚାୟତ ସିକେରକୂପା ଫାଣ୍ଡି ଅନ୍ତର୍ଗତ କଦମଗୁଡା ଛକ ନିକଟରେ ଗୋରୁ ବେପାରୀଙ୍କୁ ସଶସ୍ତ୍ର ଆକ୍ରମଣ କରି ଡକାୟତି ହୋଇଥିବା ଜଣାପଡ଼ିଛି। ସୂଚନାନୁସାରେ, ସୋମବାର ୭ଜଣ ଦୁର୍ବୃତ୍ତ ଏକ ଏର୍ଟିଗା କାରରେ ଆସି ମାରଣାସ୍ତ୍ରରେ ଆକ୍ରମଣ କରି ଗୋରୁ ବେପାରୀମାନଙ୍କଠାରୁ ୮୬ହଜାର ଟଙ୍କା ଛଡାଇ ନେଉଥିବାବେଳେ ପୁଲିସ ଦ୍ୱାରା ଧରା ପଡିଛନ୍ତି। ରାୟଗଡା ଜିଲା ମୁନିଗୁଡା ଏବଂ ଆମ୍ବଦଳା ଥାନା ଅଞ୍ଚଳର ଗୋରୁ ବେପାରୀମାନେ କଳାହାଣ୍ଡି ବାଲିପଡ଼ା ବଜାରରୁ ଗୋରୁ କିଣି ଫେରୁଥିଲେ। ଏହି ସମୟରେ କଦମଗୁଡା ଛକ ନିକଟରେ ଦୁର୍ବୃତ୍ତମାନେ ନିଛାଟିଆ ଜାଗା ଦେଖି ମଓରଣାସ୍ତ୍ରରେ ଆକ୍ରମଣ କରି ୮୬ ହଜାର ଟଙ୍କା ଏବଂ ତିନିଗୋଟି ମୋବାଇଲ ଛଡାଇ ନେଇଥିଲେ। ଗୋରୁ ବେପାରୀମାନଙ୍କୁ ଦୁର୍ବୃତ୍ତମାନେ ଆକ୍ରମଣ କରୁଥିବାବେଳେ ସେହି ରାସ୍ତା ଦେଇ ଲୋକମାନେ ଆସୁଥିବା ଦେଖି ୫ଜଣ ଫେରାର ହେଇଯାଇଥିବା ବେଳେ ୨ଜଣଙ୍କୁ କାବୁ କରି ସିକେରକୂପା ଫାଣ୍ଡିକୁ ଖବର ଦେଇଥିଲେ ଲୋକେ। ଖବର ପାଇ ସିକେରକୂପା ଏସଆଇ ମୀନକେତନ ଶବର ଫାଣ୍ଡି କର୍ମଚାରୀଙ୍କ ସହିତ ଘଟଣାସ୍ଥଳରେ ପହଞ୍ଚି କାବୁ କରିଥିବା ଦୁର୍ବୃତ୍ତମାନଙ୍କୁ ଫାଣ୍ଡିକୁ ଆଣି ଅଟକ ରଖିଛନ୍ତି। କାବୁ କରାଯାଇଥିବା ଦୁର୍ବୃତ୍ତ ତୁଷାରକାନ୍ତ ପଣ୍ଡା ଏବଂ ବିଶ୍ୱେଶ୍ୱର ସାହୁ ଅଟକ ଥିବା ଓ ମାରଣାସ୍ତ୍ର ଜବତ ହୋଇଥିବାବେଳେ କାର ଚାଳକ ସମେତ ପାଞ୍ଚଜଣ ଗାଡ଼ି ଧରି ଫେରାର ହୋଇଯାଇଥିବା ସୂଚନା ମିଳିଛି।
Popular Categories
Previous article
Next article