ଲାଞ୍ଜିଗଡ଼: ଦାଦନ ରୋକିବାକୁ ମନରେଗା ଯୋଜନାରେ ଶହଶହ କୋଟି ଟଙ୍କାର ଅନୁଦାନ ଆସୁଥିବାବେଳେ କଳାହାଣ୍ଡି ଜିଲ୍ଲାରେ ଏବେ ଜି ବି ଦାଦନ ସଂଖ୍ୟା ହ୍ରାସ ପାଉନାହିଁ। ଏପରିକି କଳାହାଣ୍ଡିରୁ ବାହାର ରାଜ୍ୟକୁ ଦାଦନ ଖଟିବାକୁ ଯାଉଥିବା ଶ୍ରମିକମାନେ ନିର୍ଯାତିତ ହୋଇ ଫେରୁଛନ୍ତି ତ କେବେ ଶୋକାକୂଳ ପରିସ୍ଥିତିରେ ସେମାନଙ୍କ ମୃତଦେହ ଘରକୁ ଫେରୁଛି। ଏହିପରି ଭାବେ ଜିଲ୍ଲାର ଲାଞ୍ଜିଗଡ଼ ବ୍ଲକ ଲାଞ୍ଜି ପଞ୍ଚାୟତ ସିନ୍ଧିପଦର ଗାଁର ଟୁନା ସୁନା ନାମକ ଜଣେ ଯୁବକଙ୍କର କେରଳ ରାଜ୍ୟ ମୂଲରକେରାଠାରେ ଏକ ଦୁର୍ଘଟଣାରେ ମୃତ୍ୟୁ ଘଟିଥିବା ଖବର ମିଳିଛି। ଦାଦନ ଖଟିବାକୁ ଯାଇଥିବା ଟୁନା ଦୁର୍ଘଟଣାର ଶିକାର ହୋଇ ପ୍ରାଣ ହରାଇଥିବାବେଳେ ଅର୍ଥାଭାବ ଯୋଗୁଁ ତାଙ୍କ ମୃତଦେହ ଗାଁକୁ ଅଣାଯାଇ ପାରୁନାହିଁ। ଏହାକୁ ନେଇ ଗ୍ରାମରେ ଶୋକାକୂଳ ପରିବେଶ ସୃଷ୍ଟି ହୋଇଥିବାବେଳେ ନିଜ ପୁଅର ମୃତଦେହ ଫେରାଇ ଆଣିବାକୁ ପ୍ରଶାସନ ଓ ଶ୍ରମ ବିଭାଗ ନିକଟରେ ଟୁନାଙ୍କ ବାପା ବିଷ୍ଣୁ ସୁନା ଆକୁଳ ନିବେଦନ କରିଛନ୍ତି।
Comments are closed.