MEllora 950×100

ଲାଞ୍ଜିଗଡ଼ରେ ଦିନକୁ ଦିନ ବଢ଼ୁଛି ଟ୍ରାଫିକ୍‌ ସମସ୍ୟା

ଲାଞ୍ଜିଗଡ଼: କଳାହାଣ୍ଡି ଜିଲ୍ଲାର ଏକମାତ୍ର ଶିଳ୍ପାଞ୍ଚଳ ଲାଞ୍ଜିଗଡ଼ ସହରରେ ଦିନକୁ ଦିନ ଟ୍ରାଫିକ ସମସ୍ୟା ବଢ଼ିବାରେ ଲାଗିଛି । ଟ୍ରାଫିକ ସମସ୍ୟା ବୃଦ୍ଧି ଯୋଗୁ ସହର ମଧ୍ୟରେ ଆମ୍ବୁଲାନ୍ସ ଓ ସ୍ଥାନୀୟ ଲୋକେ ଯାତାୟାତରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଦିନ ତମାମ ସହର ଭିତରେ ଶହଶହ ଭାରିଯାନ ପ୍ରବେଶ କରୁଥିବା ବେଳେ ଏଥିପାଇଁ କୌଣସି ସମୟସୀମା ନାହିଁ ।

ମାର୍କେଟ ରାସ୍ତା କଡ଼ରେ ଡାକ୍ତରଖାନା, ସ୍କୁଲ, ପଞ୍ଚାୟତ କାର୍ଯ୍ୟାଳୟ, ଗ୍ୟାସ ଡିଲର, ବ୍ୟାଙ୍କ ସମେତ ଔଷଧ ଦୋକାନ ଥିବାବେଳେ ରୋଗୀ ତଥା ଅନ୍ୟ ଗ୍ରାହକମାନଙ୍କ ସହିତ ଜନସାଧାରଣ ପ୍ରତି ମୁହୂର୍ତ୍ତରେ ପ୍ରମାଦ ଗଣୁଛନ୍ତି । ପ୍ରତିଦିନ ଛୋଟମୋଟ ଦୁର୍ଘଟଣା ଘଟୁଥିବା ବେଳେ ଏହି ଟ୍ରାଫିକ ସମସ୍ୟା ଯୋଗୁ ନିଜନିଜ ମଧ୍ୟରେ କଳହ ମଧ୍ୟ ଦେଖିବାକୁ ମିଳୁଛି ।

ଏହା ସହିତ ରାସ୍ତାର ଦୁଇ କଡରେ ଅମାନିଆ ଲୋକେ ନିଜ ବାଇକ୍ ଓ କାର ଗୁଡ଼ିକୁ ରାସ୍ତା ଉପରେ ରଖି ଦେବାଯୋଗୁ ଟ୍ରାଫିକ ସମସ୍ୟା ସୃଷ୍ଟି ହେଉଛି। ଏପରିକି ଜରୁରୀ ପରିସ୍ଥିତିରେ ରୋଗୀ ତଥା ଆମ୍ବୁଲାନ୍ସକୁ ମଧ୍ୟ ରାସ୍ତା ମିଳୁନାହିଁ । ଏଣୁ ଏଥିପ୍ରତି ଲାଞ୍ଜିଗଡ଼ ପୁଲିସ ତୁରନ୍ତ ଦୃଷ୍ଟି ଦେଇ ପଦକ୍ଷେପ ନେବାକୁ ସାଧାରଣରେ ଦାବି ହେଉଛି ।

Comments are closed.