ଲାଞ୍ଜିଗଡ଼: ଲାଞ୍ଜିଗଡ଼ ସହରର ଜଣେ ଯୁବକଙ୍କ ହୋଣ୍ଡା ୟୁନିକର୍ନ (ଓଡି ୦୮ ଏଲ୍ ୯୧୮୫) ବାଇକ୍ ଚୋରି କରିନେବା ଅଭିଯୋଗରେ ୩ ଜଣ ନାବାଳକଙ୍କୁ ଗିରଫ କରି ଜୁଭେନାଇଲ୍ କୋର୍ଟଚାଲାଣ କରିଛି ଲାଞ୍ଜିଗଡ଼ ପୁଲିସ । ସୂଚନାନୁଯାୟୀ ଲାଞ୍ଜିଗଡ଼ ସହରର ସୁମନ୍ତ ଦଳବେହେରାଙ୍କ ହୋଣ୍ଡା ୟୁନିକର୍ନ ବାଇକ୍ ତାଙ୍କ ଘରେ ରଖିଥିବା ବେଳେ ରବିବାର ରାତିରେ ଚୋରି ହୋଇଥିଲା । ଏନେଇ ଗତକାଲି ସକାଳେ ସେ ଲାଞ୍ଜିଗଡ଼ ଥାନାରେ ଅଭିଯୋଗ କରିଥିଲେ । ଲାଞ୍ଜିଗଡ଼ ପୁଲିସ ମଧ୍ୟ ବିଳମ୍ବିତ ରାତିରେ ପାଟ୍ରୋଲିଂ ସମୟରେ ଗୋଟିଏ ବାଇକ୍ ଜବତ କରିବା ସହିତ ତିନିଜଣ ନାବାଳକଙ୍କୁ ଅଟକ ରଖିଥିଲା । ସୁମନ୍ତଙ୍କ ଅଭିଯୋଗ ପାଇବା ପରେ ପୁଲିସ ଜବତ କରିଥିବା ବାଇକ୍ ତାଙ୍କ ଦ୍ବାରା ଚିହ୍ନଟ କରାଯିବା ପରେ ଅଟକ ଥିବା ୩ ନାବାଳକ ଏହି ବାଇକ୍ ଚୋରିରେ ସମ୍ପୃକ୍ତ ଥିବା ପ୍ରମାଣିତ ହେବା ପରେ ସେମାନଙ୍କୁ ଜୁଭେନାଇଲ୍ କୋର୍ଟଚାଲାଣ କରାଯାଇଛି । ଏ ନେଇ ଲାଞ୍ଜିଗଡ଼ ଥାନାରେ କେସ୍ ନଂ-୪୨/୨୦୨୨ରେ ଏକ ମାମଲା ରୁଜୁ ହୋଇଥିବା ବେଳେ ଏସ୍ଆଇ ଭବାନୀଶଙ୍କର ବାଦୀ ଘଟଣାର ତଦନ୍ତ କରୁଛନ୍ତି ।
Popular Categories
Previous article
Next article