mission shakti banner

ଭାରସାମ୍ୟ ହରାଇ ଘାଟି ବୁଲାଣିରେ ଓଲଟିଲା ମିନି ପିକଅପ ଗାଡି, ୬ ଗୁରୁତର

nua o banner

ଲଡୁଗାଁ: ନାଟକ କରିଯିବା କାଳ ହେଲା। ଆମପାଣି ଘାଟି ବୁଲାଣିରେ ଭାରସାମ୍ୟ ହରାଇ ମିନି ପିକଅପ ଗାଡି ଓଲଟିଲା। ପ୍ରାପ୍ତ ସୂଚନା ଅନୁଯାୟୀ ରବିବାର ଦିନ ୧୧ ଘଣ୍ଟା ସମୟ ରେ କଳାହାଣ୍ଡି ଜିଲା କଲମପୁର ବ୍ଲକ ପଣ୍ଡିଗାରୁ ନାଟକ କରି ନିଜ ଗାଁ ନବରଙ୍ଗପୁର ଜିଲାଭତ୍ରାଶିଉନି ଗାଁକୁ ଫେରୁଥିବା ବେଳେ ଡ୍ରାଇଭରର ଅସାବଧାନତା ଯୋଗୁ ଆମପାଣି ଘାଟି ରାସ୍ତାର ବୁଲାଣିରେ ପିକ ଅପ ଗାଡି ଓଲଟି ପଡିଥିବା ଜଣାଯାଉଛି। ଏହି ଦୁର୍ଘଟଣା ରେ ୬ ଗୁରୁତର ହୋଇଥିବା ବେଳେ ଗୁରୁତର ଙ୍କୁ ୧୦୮ ଆମ୍ବୁଲାନ୍ସ ଯୋଗେ କୋକସରା ହସ୍ପିଟାଲରେ ଆଣି ଭର୍ତ୍ତି କରାଯାଇ ସେମାନଙ୍କ ପ୍ରାଥମିକ ଚିକିତ୍ସା ଜାରି ରହିଛି। ଗୁରୁତର ସମସ୍ତେ ନବରଙ୍ଗପୁର ଜିଲ୍ଲା ଭତ୍ରା ଶିଉନି ଅଞ୍ଚଳର ଫଗୁନୁ ମାଝୀ(୬୦),ଡ଼ମୁ ମାଝୀ(୬୦) ଚନ୍ଦ୍ରଧ୍ଵଜ ଦାସ (୧୬)ଲକ୍ଷ୍ମଣ ଭତ୍ରା(୩୫) ମୋହନ ଦାସ (୫୦) ନିଳାମ୍ବର ମାଝୀ(୨୨) ସିଦ୍ଧୁ ଭତ୍ରା(୨୦) ଉଦ୍ଧବ (୨୬) ଓ ଅନ୍ୟ ଜଣେ ଯୁବକ ସତ୍ୟ କଟି(୧୮)ବୋଲି କୁହାଯାଉଛି । ଦୁର୍ଘଟଣା ପରେ ଘଟଣାସ୍ଥଳରେ ଆମପାଣି ପୋଲିସ ପହଞ୍ଚି ଗାଡି ଜବତ କରି ତଦନ୍ତ ଜାରି ରଖିଥିବା ଜଣାପଡିଛି।

Comments are closed.