ବଲାଙ୍ଗୀର: ବଲାଙ୍ଗୀର ଗାନ୍ଧୀନଗର ସ୍ଥିତ ପିଆର ହାଇସ୍କୁଲ ପଡ଼ିଆରେ ଚାଲିଥିବା ନୂତନ ଗ୍ୟାଲେରୀ ନିର୍ମାଣ ସ୍ଥଳରେ ଜଣେ ଶ୍ରମିକ ଆହତ ହୋଇଥିବା ଜଣାପଡିଛି। ଶ୍ରମିକ ଜଣକ ଜିଲା ବାହାରର ବୋଲି ଜଣାପଡିଥିବା ବେଳେ ସେ ଫାଏଲେରିଆ ରୋଗରେ ଆକ୍ରାନ୍ତ ଥିବା ଜାଣିବାକୁ ମିଳିଛି। ତେବେ ରୋଗାକ୍ରାନ୍ତ ଅବସ୍ଥାରେ ବିନା କୌଣସି ସୁରକ୍ଷାରେ କିଭଳି ତାଙ୍କୁ ନିର୍ମାଣ କାମରେ ନିୟୋଜିତ କରାଯାଇଥିଲା ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ସୂଚନା ଅନୁସାରେ ବଲାଙ୍ଗୀର ଗାନ୍ଧୀ ନଗର ସ୍ଥିତ ଷ୍ଟାଡିୟମ ଠାରେ ଗ୍ୟାଲେରୀ ନିର୍ମାଣ କାମ ଜାରି ରହିଛି। ଅନୁଗୁଳ ଜିଲାର କିଛି ଶ୍ରମିକଙ୍କୁ ଠିକାଦାର ଜଣକ ଏହି କାମରେ ନିୟୋଜିତ କରିଥିବା ଜଣାପଡିଛି। ବୁଧବାର ନିର୍ମାଣ କାମ ଚାଲିଥିବା ବେଳେ ସନାତନ ମହାପାତ୍ର ନାମକ ଜଣେ ୫୫ ବର୍ଷିୟ ଶ୍ରମିକ ତଳକୁ ଖସିପଡିଥିଲେ। ଆହତ ଅବସ୍ଥାରେ ତାଙ୍କୁ ଅନ୍ୟ ଶ୍ରମିକ ମାନେ ଉଦ୍ଧାର କରି ବଲାଙ୍ଗୀର ଭୀମଭୋଇ ମେଡିକାଲ କଲେଜ ଡାକ୍ତରଖାନାକୁ ଆଣିଥିଲେ। ତାଙ୍କର ଗୋଡ ଓ ମୁଣ୍ଡରେ ଗଭୀର ଆଘାତ ଲାଗିଥିବା ଡାକ୍ତରଖାନା ସୂତ୍ରରୁ ପ୍ରକାଶ। ଏହା ସହିତ ଏହି ଶ୍ରମିକ ଜଣକ ଫାଏଲେରିଆ ରୋଗରେ ଆକ୍ରାନ୍ତ ଥିବା ବେଳେ କିଭଳି ତାଙ୍କୁ ନିର୍ମାଣ କାମରେ ନିୟୋଜିତ କରାଯାଇଥିଲା ତାକୁ ନେଇ ସାମାଜିକ କର୍ମୀମାନେ ପ୍ରଶ୍ନ ଉଠାଇଛନ୍ତି। କାମ କରୁଥିବା ଶ୍ରମିକମାନଙ୍କ କହିବା ଅନୁସାରେ ସେ ଭାରା ସାହାଯ୍ୟରେ ଉପରକୁ ଚଢୁଥିବା ସମୟରେ ପଡି ଆହତ ହୋଇଛନ୍ତି।
Popular Categories
Previous article
Next article