ଲକ୍ଷ୍ନୌ : ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟାନଥ ମଙ୍ଗଳବାର କୁମ୍ଭମେଳାରେ ପହଞ୍ଚିଛନ୍ତି। ପ୍ରାୟଗଠାରେ କ୍ୟାବିନେଟ ବୈଠକରେ ଯୋଗ ଦେବା ପରେ ସେ ସଙ୍ଗମ ଜଳରେ ବୁଡ଼ ପକାଇଛନ୍ତି। ଅନ୍ୟ ମନ୍ତ୍ରୀମାନେ ମଧ୍ୟ ବୁଡ଼ ପକାଇଥିବା ଜଣାପଡିଛି। ମୁଖ୍ୟମନ୍ତ୍ରୀ ଆଦିତ୍ୟାନଥଙ୍କ କାର୍ଯ୍ୟକାଳ ମଧ୍ୟରେ ପ୍ରଥମଥର ଲାଗି ଲକ୍ଷ୍ନୌ ବାହାରେ ଉତ୍ତରପ୍ରଦେଶର କ୍ୟାବିନେଟ ବୈଠକ ବସିଛି। ଏହା ପରେ ୨୦୧୬ ସର୍ଜିକାଲ ଷ୍ଟ୍ରାଇକ ଉପରେ ଆଧାରିତ ଚଳଚ୍ଚିତ୍ର ‘ଉରି’ର ସ୍ବତନ୍ତ୍ର ଭ୍ରମ୍ୟମାଣ ସ୍କିନିଂରେ ଆଦିତ୍ୟନାଥ ଯୋଗଦେଇଛନ୍ତି। ସାଧାରଣ ନିର୍ବାଚନ ପୂର୍ବରୁ ଦଳୀୟ ପ୍ରଚାରକୁ ଏକ ଗୁରୁତ୍ବପୂର୍ଣ୍ଣ ଦିଗ ପ୍ରଦାନ କରିବା ଲକ୍ଷ୍ୟରେ ଥିବା ବିଜେପି ପାଇଁ ଚଳିତବର୍ଷର ଏହି ଧାର୍ମିକ କାର୍ଯ୍ୟକ୍ରମ ଗୁରୁତ୍ବ ବହନ କରେ। ରବିବାର ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ବୁଡ଼ ପକାଇଥିଲେ। ଏଠାକୁ ଦେଶର ବହୁ ମନ୍ତ୍ରୀ ତଥା ବିଶିଷ୍ଠ ନେତାଙ୍କ ଆଗମନ ଲାଗି ରହିଛି। ଏହାକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି।
Popular Categories
Previous article
Next article