କୁଚିଣ୍ଡା: କୁଚିଣ୍ଡା ସହରସ୍ଥ ବାଇପାସ ରାସ୍ତାରେ ଏକ ବାଇକ ଦୁର୍ଘଟଣାରେ ଦୁଇ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଥିବା ଜଣାଯାଇଛି। ସୋମବାର କୁଚିଣ୍ଡା ସହରସ୍ଥ ମନ୍ତ୍ରୀମୁଣ୍ଡାରେ ଦୀପାବଳି ଦିବସରେ ଫୁଟବଲ ଟୁର୍ଣ୍ଣାମେଣ୍ଟ ଦେଖିବାକୁ ଯାଇଥିବା ତିନି ସାଙ୍ଗ ଏକ ବାଇକ ଫେରୁଥିବା ବେଳେ ନୂତନ ବାଇପାସ ରାସ୍ତାରେ ଜାତୀୟ ରାଜପଥ ୪୯ରେ ଘୁସା ଛକ ନିକଟରେ ଥିବା ଲୁହା ରେଲିଙ୍ଗରେ ଭାରସାମ୍ୟ ହରାଇ ବାଇକଟି ପିଟି ହୋଇ ଯାଇଥିଲା।
ଫଳରେ ତିନି ଜଣ ଯାକ ବାଇକ ଆରୋହୀ ଗୁରୁତର ଆହତ ହୋଇ ଥିଲେ। ତିନି ଜଣଙ୍କୁ ସଂଗେ ସଙ୍ଗେ କୁଚିଣ୍ଡା ଉପଖଣ୍ଡ ଚିକିତ୍ସାଳୟ ରେ ଭର୍ତ୍ତି କରିଥିଲେ। ତେବେ ଲାଡ଼ ଗ୍ରାମର ବିକାଶ ମାଝୀ (୨୪), କୁଡାପଡା ଗ୍ରାମର ମାନସ ବାଗ (୨୩)ଙ୍କୁ ଡାକ୍ତର ମୃତ ଘୋଷଣା କରିଥିଲେ। ଚାନ୍ଦୁ ଟିକ୍ରା ଗ୍ରାମର ଜିତେନ୍ଦ୍ର ବଳୁଆ ଗୁରୁତର ଆହତ ହୋଇଥିଲେ। ଆହତ ଜିତେନ୍ଦ୍ରଙ୍କୁ ପ୍ରାଥମିକ ଚିକିତ୍ସା ପରେ ବୁର୍ଲାକୁ ସ୍ଥାନାନ୍ତରିତ କରାଯାଇଛି। ଏ ସଂକ୍ରାନ୍ତରେ କୁଚିଣ୍ଡା ପୁଲିସ ମାମଲା ରୁଜ୍ଜୁ କରି ତଦନ୍ତ ଜାରି ରଖିଛି ଏବଂ ଆଜି ମୃତଦେହ ଦ୍ବୟକୁ ବ୍ୟବଚ୍ଛେଦ କରିଥିବା ଜଣାଯାଇଛି।
Comments are closed.