ନୂଆଦିଲ୍ଲୀ : ରାଜନେତାଙ୍କଠୁ ଆରମ୍ଭ କରି ବଡ ବ୍ୟବସାୟୀ ଏବଂ ସେଲିବ୍ରିଟିମାନେ ଆଜିକାଲି ନିଜ ସୁରକ୍ଷା ପାଇଁ ବୁଲେଟପ୍ରୁଫ୍ କାର୍ ବ୍ୟବହାର କରୁଛନ୍ତି । ତେବେ ଏଥିପାଇଁ ଅଧିକ ଖର୍ଚ୍ଚ ମଧ୍ୟ କରିବାକୁ ପଡିଥାଏ । ଆପଣଙ୍କ ମନରେ ପ୍ରଶ୍ନ ଆସୁଥାଇପାରେ କି ଏକ ସାଧାରଣ କାରକୁ ବୁଲେଟପ୍ରୁଫ୍ କରାଇଲେ କେତେ ଟଙ୍କା ଖର୍ଚ୍ଚ ହୋଇଥାଏ । ଆଜି ଆମେ ଆପଣଙ୍କୁ ଏ ସମ୍ପର୍କରେ ଜଣାଇବୁ । ଆସନ୍ତୁ ଜାଣିବା..
କାରକୁ ବୁଲେଟପ୍ରୁଫ୍ କରିବା ପାଇଁ ଏହା ନିର୍ଭର କରେ କି ଆପଣ ଏହାକୁ କେତେ ମାତ୍ରାରେ ବୁଲେଟପ୍ରୁଫ୍ କରିବାକୁ ଚାହୁଁଛନ୍ତି । ବଡ ଏବଂ ବିଳାସପୂର୍ଣ୍ଣ କାରକୁ ବୁଲେଟପ୍ରୁଫ୍ କରିବା ପାଇଁ ସାଧାରଣ ଛୋଟ କାର ତୁଳନାରେ ଅଧିକ ମହଙ୍ଗା ହୋଇଥାଏ । ଆପଣ କେଉଁ ପ୍ରକାର ଗୁଳିରୁ ରକ୍ଷା ପାଇବାକୁ ଚାହୁଁଛନ୍ତି ତାହାର ବିଭିନ୍ନ ସ୍ତର ରହିଛି । ଉଚ୍ଚ ସ୍ତରର ସୁରକ୍ଷା ପାଇଁ ଅଧିକ ମହଙ୍ଗା ସାମଗ୍ରୀ ଏବଂ ପରିଶ୍ରମର ଆବଶ୍ୟକତା ପଡିଥାଏ ।
ଭାରତରେ ଏକ କାରକୁ ବୁଲେଟପ୍ରୁଫ୍ କରିବା ପାଇଁ ସାଧାରଣତଃ ୫ ଲକ୍ଷରୁ ୪୦ ଲକ୍ଷ ଟଙ୍କା ପର୍ଯ୍ୟନ୍ତ ଖର୍ଚ୍ଚ ହୋଇଥାଏ । କିଛି ମାମଲାରେ ଏହି ଖର୍ଚ୍ଚ ୧ କୋଟି ମଧ୍ୟ ଛୁଇଁଥାଏ । କାର ବଡିକୁ ବୁଲେଟପ୍ରୁଫ୍ ଷ୍ଟିଲ ବା ଆଲୁମିନିୟମ୍ ଭଳି ମଜଭୁତ ସାମଗ୍ରୀ ବ୍ୟବହାର କରି ଅଧିକ ମଜଭୁତ କରାଯାଏ । ଏହାର ଡୋର ଏବଂ ଗ୍ଲାସକୁ ମଜଭୁତ କରିବା ପାଇଁ ବିଭିନ୍ନ ସାମଗ୍ରୀ ଲାଗିଥାଏ । ଗାଡିର ସମସ୍ତ କାଚକୁ ବୁଲେଟପ୍ରୁଫ୍ କରାଯାଇଥାଏ । ତେବେ କହିରଖୁଛୁ ବୁଲେଟପ୍ରୁଫ୍ କାର ମଧ୍ୟ ସମ୍ପୂର୍ଣ୍ଣ ରୂପେ ଗୁଳିରୋଧୀ ନୁହେଁ । ଗୁଳିରୁ ରକ୍ଷା ପାଇବା ପାଇଁ ଏଥିରେ ବ୍ୟବହାର ହେଉଥିବା ସାମଗ୍ରୀ ଉପରେ ନିର୍ଭର କରେ । ଯଦି ଆପଣ ନିଜ କାରକୁ ବୁଲେଟପ୍ରୁଫ୍ କରାଇବା ପାଇଁ ଚିନ୍ତା କରୁଛନ୍ତି ତେବେ ଅନୁଭବୀ ଏବଂ ପ୍ରତିଷ୍ଠିତ ବୁଲେଟପ୍ରୁଫିଂ କମ୍ପାନୀର ପରାମର୍ଶ ନେବା ଉଚିତ୍ ।
