ଖୋର୍ଦ୍ଧା:ବଙ୍ଗୋପ ସାଗରରେ ସୃଷ୍ଟି ଲଘୁଚାପ ପ୍ରଭାବରେ ଖୋର୍ଦ୍ଧା ଜିଲାରେ ଧନ ଜୀବନ ପ୍ରଭାବିତ ହୋଇଛି । ଧାନ କ୍ଷେତ ବୁଲିବାକୁ ଯାଇ ପାଣି ସୁଅରେ ଭାସି ଯାଇ ଟାଙ୍ଗି ତହସିଲ ନୂଆଗଡ ପଂଚାୟତ ମୋରମୋରସିଂହ ଗାଁର ଜଣେ ଯୁବ ଚାଷୀଙ୍କ ମୃତ୍ୟୁ ଘଟିଛି। ମୃତ ଯୁବକ ଜଣଙ୍କ କମ୍ବେଶ୍ୱର ପାଟଶାଣୀ(୨୯)। ଇନ୍ଦିରା ବନ୍ଧ ଓ ପାହାଡିଆ ପାଣି ଆସି ଗାଁ ନିକଟରେ ଥିବା ବିଲ ଜଳମଗ୍ନ ରହିଛି। କମ୍ବେଶ୍ୱର ବିଲର ଫସଲ ଦେଖିବାକୁ ଯାଇଥିବା ବେଳେ ପନ୍ଦର ମାଣ ନାଳରେ ନାଳରେ ଭାସିଯାଇଥିଲେ। ପାଖରେ ଥିବା ଲୋକମାନେ ଡାକପକାଇବାରୁ ଗାଁ ଲୋକ ଯାଇ ପାଣି ସୁଅରୁ ଉଦ୍ଧାର କରିଥିଲେ।
ସେତେବେଳକୁ ତାଙ୍କର ପ୍ରାଣବାୟୁ ଉଡିଯାଇଥିଲା। ନିରାକାରପୁର ଥାନା ପୁଲିସ ଏନେଇ ଏକ ଅପମୃତ୍ୟୁ ମାମଲା ରୁଜୁ କରି ମୃତଦେହକୁ ବ୍ୟବଛେଦ ପାଇଁ ପଠାଯାଇଛି। ସ୍ଥାନୀୟ ସରପଂଚଙ୍କ ଠାରୁ ମିଳିଥିବା ସୂଚନା ଅନୁଯାଇ ରାଜସ୍ୱ ନିରୀକ୍ଷକ ଘଟଣାସ୍ଥଳ ପରିଦର୍ଶନ କରିଛନ୍ତି। ଆମେ ଟାଙ୍ଗୀ ତହସିଲଦାର ଓ ମଣ୍ଡଳଉନ୍ନୟନ ଅଧିକାରୀଙ୍କୁ ଏନେଇ ଜଣାଇଛୁ। ମୃତ କମ୍ବେଶ୍ୱର ମାତ୍ର ୫ ମାସ ତଳେ ବିବାହ କରିଥିଲେ। ଏହି ଅସହାୟ ପରିବାରକୁ ସହାୟତା ପାଇଁ ସ୍ଥାନୀୟ ଲୋକ ଦାବିକରିଛନ୍ତି।
