ଖଲ୍ଲିକୋଟ: ରାଜନୈତିକ ଶତ୍ରୁତାରୁ ବୋମାମାଡ ଅଭିଯୋଗ। ଖଲ୍ଲିକୋଟ ଥାନା କେଶପୁର ଛକ ନିକଟ ଏକ ଟାଇଲ୍ସ ଦୋକାନରେ ବୋମାମାଡ ହୋଇଛି। କିଛି ଦୁର୍ବୁତ୍ତ ଦୋକାନ ଉପରକୁ ୩ଟି ବୋମାମାଡ କରି ଫେରାର୍ ହୋଇଯାଇଛନ୍ତି। ସୂଚନା ମୂତାବକ ଶୁକ୍ରବାର ବିଳମ୍ବିତ ରାତିରେ କିଛି ଦୁର୍ବୁତ୍ତ ହଠାତ୍ ଏକ ବାଇକ୍ ରେ ଆଜି ଟାଇଲ୍ସ ଦୋକାନ ଉପରକୁ ବୋମାମାଡ କରିଥିଲେ। ଏବଂ ଘଟଣାସ୍ଥଳରୁ ଫେରାର ହୋଇଯାଇଥିଲେ। ଟାଇଲ୍ସ ଦୋକାନଟି ଦିବଂଗତ ବିଜେପି କର୍ମୀ ଦିଲ୍ଲୀପ ପାହାନଙ୍କର ବୋଲି ଜଣାଯାଇଛି। ଗତ ନିର୍ବାଚନ ସମୟରେ ଦିଲ୍ଲୀପ ପାହାନଙ୍କୁ ଦୁର୍ବୃତ୍ତମାନେ ହତ୍ୟା କରିବା ପରେ ପରିବାର ସଦସ୍ୟ ଏହି ଦୋକାନ ଚଳାଉଥିଲେ। ତେବେ ଘଟଣା ନେଇ ଦୋକାନ ମାଲିକ ଖଲ୍ଲିକୋଟ ଥାନାରେ ଏତଲା ଦେଇଛନ୍ତି । ରାଜନୈତିକ ଶତ୍ରୁତାରୁ କାରଣରୁ ଏହି ବୋମାମାଡ଼ ହୋଇଥିବା ସନ୍ଦେହ କରାଯାଉଛି।
