ନୂଆଦିଲ୍ଲୀ: ବିଖ୍ୟାତ ମଲ୍ଲଯୋଦ୍ଧା ଖଲି ଗୁରୁବାର ବିଜେପିରେ ସାମିଲ ହୋଇଛନ୍ତି। ସେ ଦିଲ୍ଲୀ ସ୍ଥିତ ପାର୍ଟି ମୁଖ୍ୟାଳୟକୁ ଆସି ଦଳରେ ସାମିଲ ହୋଇଛନ୍ତି। ଖଲି ହିମାଚଳପ୍ରଦେଶର ବାସିନ୍ଦା। ତାଙ୍କ ପ୍ରକୃତ ନାମ ଦଲୀପ ସିଂ ରାଣା। ଡବ୍ଲ୍ୟୁଡବ୍ଲ୍ୟୁଇ ଦୁନିଆରେ ସେ ଦି ଗ୍ରେଟ୍ ଖଲି ନାଁରେ ପରିଚିତ। ବିଜେପିରେ ଯୋଗଦେବା ପରେ ଖଲି ପ୍ରଧାନମନ୍ତ୍ରୀ ମୋଦୀଙ୍କୁ ପ୍ରଶଂସା କରିଛନ୍ତି।
ଦଳରେ ଯୋଗଦେଇ ସେ କହିଛନ୍ତି, ବିଜେପିରେ ସାମିଲ ହୋଇ ମୋତେ ବହୁତ ଭଲ ଲାଗୁଛି। ହୁଏତ ଏପରି କୌଣସି ଦେଶ ନାହିଁ, ଯେଉଁଠି ମୁଁ କୁସ୍ତି ଖେଳିନାହିଁ। ଟଙ୍କା ରୋଜଗାର କରିବାର ଥିଲେ ମୁଁ ଆମେରିକାରେ ରହିଥାଆନ୍ତି। କିନ୍ତୁ ମୁଁ ଭାରତ ଆସିଲି। କାରଣ ଦେଶ ପ୍ରତି ମୋର ଭଲପାଇବା ଅଛି। ମୁଁ ଦେଖିଲି ଯେ, ମୋଦୀଙ୍କ ରୂପରେ ଦେଶ ଉପଯୁକ୍ତ ପ୍ରଧାନମନ୍ତ୍ରୀ ପାଇଛି। ମୋଦୀ ଏବଂ ବିଜେପିର ଆଦର୍ଶ ଦ୍ୱାରା ସେ ପ୍ରଭାବିତ ହୋଇଛନ୍ତି ବୋଲି କହିଛନ୍ତି।
Comments are closed.