ଭବାନୀପାଟଣା: ପଞ୍ଜାବ ଲଭଲି ପ୍ରଫେସନାଲ ୟୁନିଭର୍ସିଟିର କମ୍ପ୍ୟୁଟର ସାଇନ୍ସ ସ୍ନାତକୋତ୍ତର ବିଭାଗରେ କେସିଙ୍ଗାର ଏନ.ଜ୍ୟୋତିଷ୍ମାନ ସାହୁ ଓରଫ ଜିତୁ ଟପ୍ପର ହେଇଛନ୍ତି। ଏଥିପାଇଁ ତାଙ୍କୁ ସ୍ଵର୍ଣ୍ଣ ପଦକ ସହିତ ପ୍ରମାଣପତ୍ର ମିଳିବ ବୋଲି ବିଶ୍ଵ ବିଦ୍ୟାଳୟ ପକ୍ଷରୁ ଘୋଷଣା ହୋଇଛି। ଆସନ୍ତା ସମାବର୍ତ୍ତନ ଉତ୍ସବରେ ତାଙ୍କୁ ଏହି ସମ୍ମାନ ମିଳିବ। ତେବେ କମ୍ପ୍ୟୁଟର ସାଇନ୍ସ ସହିତ ସେହି ବିଶ୍ଵ ବିଦ୍ୟାଳୟରେ ସେ ଫରେନ୍ସିକ୍ ସାଇନ୍ସ ବିଷୟରେ ମଧ୍ୟ ସ୍ନାତକ ଡିଗ୍ରୀ ହାସଲ କରିଛନ୍ତି। ଭୁବନେଶ୍ୱର ରସୁଲଗଡ଼ସ୍ଥିତ ରାଜ୍ୟ ଫରେନ୍ସିକ୍ ଲ୍ୟାବରେ ତାଲିମ ସମୟରେ ମଧ୍ୟ ଜିତୁ ଉଚ୍ଚ ପ୍ରଶଂସିତ ହୋଇଥିଲେ। କେସିଙ୍ଗାର ଡାକ୍ତର ଝସକେତନ୍ ସାହୁ ଏବଂ ସ୍ୱର୍ଗତା ଭାରତୀ ସାହୁଙ୍କ ବଡ଼ ପୁଅ ଜିତୁ ସଂପ୍ରତି ଛତିଶଗଡ଼ ରାୟପୁରରେ ଏକ ସଂସ୍ଥାରେ ସାମୟିକ ଭାବେ କାର୍ଯ୍ୟରତ ଅଛନ୍ତି। ଜିତୁଙ୍କୁ ଏହି ସମ୍ମାନ ମିଳିବା ଖବର ପ୍ରଚାରିତ ହେବାପରେ ତାଙ୍କ ପରିବାରକୁ ଶୁଭେଚ୍ଛାର ସୁଅ ଛୁଟୁଛି।
Comments are closed.