କେନ୍ଦୁଝର ସଦର: ପାଣି ପାଇଁ ମହିଳାଙ୍କ ରାସ୍ତାରୋକ। ପାଣି ସମସ୍ୟାକୁ ନେଇ କେନ୍ଦୁଝର ସହର ନିକଟ ଗୋବିନ୍ଦପୁର ଗ୍ରାମର ମହିଳାମାନେ ମଙ୍ଗଳବାର କେନ୍ଦୁଝର-ପାଟଣା ମୁଖ୍ୟ ରାସ୍ତାକୁ ବନ୍ଦ କରି ଆନ୍ଦୋଳନ କରିଥିଲେ। ଗରା, ମାଣ୍ଡିଆ, ଡେକଚି ଧରି ରାସ୍ତା ଉପରେ ବସିଥିଲେ ମହିଳା। ରାସ୍ତାରୋକ ହଟାଇବା ପାଇଁ ଟାଉନ୍ ଥାନା ପୁଲିସର ଉଦ୍ୟମ କରିଥିଲେ।
ଅଭିଯୋଗ ଅନୁଯାୟୀ, ଗାଁରେ ୩ଟି ନଳକୂଅ ରହିଥିବାବେଳେ ଦୀର୍ଘ ଦିନରୁ ୨ଟି ନଳକୂଅ ଅଚଳ ହୋଇ ପଡ଼ିଛି। ଗୋଟିଏ ନଳକୂଅରୁ ପାଣି ନେବା ପାଇଁ ଲୋକେ ନାହିଁ ନଥିବା ହଇରାଣ ହେଉଛନ୍ତି। ପୂର୍ବରୁ ଏନେଇ ଗତ ଫେବ୍ରୁଆରୀ ୨୭ ତାରିଖରେ ଲୋକେ ରାସ୍ତାରୋକ କରି ପ୍ରତିବାଦ କରିଥିଲାବେଳେ ବର୍ତ୍ତମାନ ସୁଦ୍ଧା ୬ ମାସ ବିତି ଯାଇଥିଲେ ମଧ୍ୟ ପାଣି ଯୋଗାଇବାରେ ଅସମର୍ଥ ରହିଥିଲା ବିଭାଗ। ଏହି ରାସ୍ତା ରୋକ ଘଣ୍ଟା ଘଣ୍ଟା ଧରି ଚାଲିଥିବାବେଳେ ପ୍ରଶାସନ ପକ୍ଷରୁ ଗୋଷ୍ଠୀ ଉନ୍ନୟନ ଅଧିକାରୀଙ୍କ ହସ୍ତକ୍ଷେପ ପରେ ମଧ୍ୟ ଆନ୍ଦୋଳନକାରୀମାନେ ଆନ୍ଦୋଳନ ପ୍ରତ୍ୟାହାର କରି ନଥିଲେ। ସେମାନଙ୍କ ଜିଦ୍କୁ ପ୍ରଶାସନ ହୃଦୟଙ୍ଗମ କରି ତୁରନ୍ତ କାର୍ଯ୍ୟ ଆରମ୍ଭ କରିବା ପରେ ଆନ୍ଦୋଳନକାରୀମାନେ ରାସ୍ତାରୁ ହଟିଥିଲେ।
Comments are closed.