କେନ୍ଦୁଝର: ୫-ଟି ସ୍କୁଲ ଛାତରୁ ଖସିଲା ସିଲିଂ, ଅଳ୍ପକେ ବର୍ତ୍ତିଲେ ଶିକ୍ଷକ ଓ ଶିକ୍ଷୟିତ୍ରୀ। ଘଟଗାଁ ବ୍ଲକ ଢେଙ୍କିକୋଟର ୫-ଟି ସ୍କୁଲ ସତ୍ୟ ନାରାୟଣ ବିଦ୍ୟାପୀଠରେ ଅଘଟଣ। ଷ୍ଟାଫ କମନରୁମରେ ଶିକ୍ଷକ ଓ ଶିକ୍ଷୟିତ୍ରୀ ବସିଥିବାବେଳେ ଖସିଲା ସିଲିଂ।
କେନ୍ଦୁଝର ଘଟଗାଁ ବ୍ଳକ ଢେଙ୍କିକୋଟସ୍ଥିତ ୫ଟି ସ୍କିମ୍ରେ ରୂପାନ୍ତରିତ ହୋଇଥିବା ସତ୍ୟ ନାରାୟଣ ବିଦ୍ୟାପୀଠର କମନ ରୁମରେ ଅଚାନକ ପ୍ଲାଷ୍ଟର ଖସି ପଡିଥିଲା। ଏଥିରେ ଛାତ୍ରଛାତ୍ରୀ କିମ୍ବା ଶିକ୍ଷକ ଶିକ୍ଷୟିତ୍ରୀ କେହି ଆହତ ହୋଇନାହାନ୍ତି। ଆଜି ନବମ ଶ୍ରେଣୀ ପରୀକ୍ଷା ଶେଷ ହେବା ପରେ ପରୀକ୍ଷାଖାତାକୁ ନେଇ ଶିକ୍ଷକ ଶିକ୍ଷୟିତ୍ରୀମାନେ କମନ ରୁମରେ ପହଞ୍ଚିଥିଲେ। ସେମାନେ ଟେବୁଲ ଉପରେ ପରୀକ୍ଷାଖାତା ରଖି ଯାଞ୍ଚ କରୁଥିବା ସମୟରେ ହଠାତ ଛାତରୁ ଏକ ବଡ଼ ପ୍ଲାଷ୍ଟର ଖଣ୍ଡ ପ୍ରଥମେ ଟେବୁଲ ଉପରେ ଖସି ପଡ଼ିଥିଲା। ଏହା ଦେଖି ଶିକ୍ଷକ ଓ ଶିକ୍ଷୟିତ୍ରୀମାନେ ଭୟରେ ତୁରନ୍ତ ବସିଥିବା ସ୍ଥାନ ଛାଡ଼ି ବାହାରକୁ ପଳାଇଥିଲେ। ଏହାର ଠିକ୍ ପରେ ପୁଣି ଏକ ପ୍ଲାଷ୍ଟର ଖଣ୍ଡ ଛାତରୁ ଖସି ପଡ଼ିଥିଲା। ତେବେ ଏଥିରେ କେହି ମୃତାହତ ହୋଇନାହାନ୍ତି।
Comments are closed.