ପାଟଣା : କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡା ପଞ୍ଚାୟତ ମାନପୁର ଗ୍ରାମର ଖମଣ ସାହି ନିକଟ ପୋଖରୀ ହୁଡା ବୁଦାମୂଳରୁ ରବିବାର ସକାଳୁ ଗ୍ରାମବାସୀଙ୍କ ଦ୍ବାରା ଏକ ନବଜାତ ଶିଶୁପୁତ୍ରକୁ ଉଦ୍ଧାର କରାଯାଇଛି । ପୋଖରୀକୁ ସୌଚ ପାଇଁ ଯାଇଥିବା ସମୟରେ ଶିଶୁଟିର କାନ୍ଦ ଶୁଣି ବୁଦାମୂଳକୁ ଯାଇ ଲୋକେ ଶିଶୁ ପୁତ୍ରଟିକୁ ଦେଖି ସ୍ଥାନୀୟ ଆଶାକର୍ମୀକୁ ଖବର ଦେଇଥିଲେ। ଆଶାକର୍ମୀ ଘଟଣାସ୍ଥଳରେ ପହଞ୍ଚି ଶିଶୁ ପୁତ୍ରଟିକୁ ଗ୍ରାମବାସୀଙ୍କ ଉପସ୍ଥିତିରେ ଉଦ୍ଧାର କରିଥିଲେ। ଉଦ୍ଧାର ଶିଶୁପୁତ୍ରକୁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ତେବେ ଶିଶୁଟି ସୁସ୍ଥ ଥିବା ଜଣାପଡିଛି। ତେବେ ବୁଦାମୂଳକୁ ଶିଶୁଟି କିପରି ଆସିଲା ଓ ଶିଶୁପୁତ୍ରର ମାତା କିଏ ତାହା ସ୍ପଷ୍ଟ ହୋଇନାହିଁ । ଶିଶୁଟିର ଉଦ୍ଧାର ଖବର ଜଣାପଡିବା ପରେ ଜିଲା ଶିଶୁ ମଙ୍ଗଳ କମିଟି ମଧ୍ୟ ଘଟଣା ଉପରେ ନଜର ରଖିଛି ।
Popular Categories
Previous article
Next article