ସମ୍ବଲପୁର: ସମ୍ବଲପୁର ସହର ଉପକଣ୍ଠସ୍ଥ ସଦର ଥାନା ଦେଇ ବେଆଇନ ଭାବେ ଚାଲାଣ ହେଉଥିବା କେନ୍ଦୁପତ୍ର ସହିତ ଗାଡ଼ିକୁ ଜବତ କରିଛି ପୁଲିସ। ପୁଲିସ ପାଟ୍ରୋଲିଂ କରୁଥିବାବେଳେ ସିନ୍ଦୁରପଙ୍କ ଛକ ନିକଟରେ ଏକ ବୋଲେରୋ ପିକ୍ଅପ ସନ୍ଦିଗ୍ଧ ଭାବରେ ଦ୍ରୁତଗତିରେ ଯାଉଥିବା ଦେଖି ତାକୁ ଅଟକାଯାଇଥିଲା। ଗାଡି ଚାଳକ ପୁଲିସକୁ ଦେଖିବା ପରେ ଚମ୍ପଟ ମାରିବାକୁ ଉଦ୍ୟମ କରିଥିବା ବେଳେ ତାକୁ ପୁଲିସ ଗୋଡାଇ ଗୋଡାଇ ଧରିଥିଲା । ଉକ୍ତ ଗାଡିକୁ ଯାଞ୍ଚ ସମୟରେ ୧ କ୍ୱିଣ୍ଟାଲ ୫୭ କିଗ୍ରା ଓଜନର କେନ୍ଦୁପତ୍ର ମିଳିଥିଲା। ଉକ୍ତ କେନ୍ଦୁପତ୍ରଗୁଡିକୁ ଅବୈଧ ରୂପେ ପଶ୍ଚିମବଙ୍ଗ ଚାଲାଣ କରାଯାଉଥିଲା । ଗାଡିକୁ ଧରିବା ସମୟରେ ଉକ୍ତ ଗାଡିରେ ଥିବା ୨ ଜଣ ବ୍ୟକ୍ତି ଫେରାର ହୋଇଯାଇଥିବା ବେଳେ ପଶ୍ଚିମବଙ୍ଗ ରାଜ୍ୟ ହୁଗୁଳି ଜିଲା ଅନୁପ ନଗର ନିବାସୀ ହବିବୁର ରେହମାନ ଭାଙ୍ଗି (୩୪)କୁ ପୁଲିସ ଗିରଫ କରିଛି।
Comments are closed.