ବେଙ୍ଗାଲୁରୁ: କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚ ଡି କୁମାରସ୍ୱାମୀ ସୋମବାର ରାଜ୍ୟରେ ପେଟ୍ରୋଲ ଓ ଡିଜେଲ ମୂଲ୍ୟରେ ୨ଟଙ୍କା କମ୍ କରିଛନ୍ତି। ରାଜସ୍ଥାନ ସରକାରଙ୍କ ପକ୍ଷରୁ ଭାଟ କମ୍ କରାଯିବା ପରେ କର୍ଣ୍ଣାଟକ ଉପରେ ଏହାର ପ୍ରଭାବ ପଡ଼ୁଥିଲା। ଫଳରେ ରାଜନୈତିକ ଦୃଷ୍ଟିକୋଣରୁ କୁମାରସ୍ୱାମୀ ସୋମବାର ଉଭୟ ପେଟ୍ରୋଲ ଓ ଡିଜେଲରେ ୨ଟଙ୍କା କମ୍ କରିଛନ୍ତି। ପୂର୍ବରୁ ରାଜସ୍ଥାନ, ଆନ୍ଧ୍ରପ୍ରଦେଶ ଓ ପଶ୍ଚିମବଙ୍ଗ ପେଟ୍ରୋଲ ଓ ଡିଜେଲରେ ଭାଟ କମ୍ କରି ଥିବାବେଳେ କର୍ଣ୍ଣାଟକ ମଧ୍ୟ ମୂଲ୍ୟ ହ୍ରାସ କରିବାକୁ ବାଧ୍ୟ ହୋଇଛି। ଆନ୍ଧ୍ର ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଏଡୁ ପେଟ୍ରୋଲ ଓ ଡିଜେଲ ମୂଲ୍ୟରେ ୨ଟଙ୍କା କମ୍ କରିଥିବାବେଳେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ୧ଟଙ୍କା କମ୍ କରିଛନ୍ତି। ଏହି କ୍ରମରେ ଦେଖିବାକୁ ଗଲେ ପେଟ୍ରୋଲ ଡିଜେଲ ମୂଲ୍ୟରେ ମହାରାଷ୍ଟ୍ରରେ ସର୍ବାଧିକ ମୂଲ୍ୟ ରହିଥିବାବେଳେ ଆଣ୍ଡାମାନ ରେ ସର୍ବନିମ୍ନ ମୂଲ୍ୟ ରହିଛି।
Popular Categories
Previous article
Next article