ନୂଆଦିଲ୍ଲୀ : କର୍ଣ୍ଣାଟକ ବିଧାନସଭା ନିର୍ବାଚନ ନିମନ୍ତେ ଏପ୍ରିଲ ଦ୍ୱିତୀୟ ସପ୍ତାହ ସୁଦ୍ଧା ନିର୍ବାଚନ କମିସନ ତାରିଖ ଘୋଷଣା କରିପାରନ୍ତି ବୋଲି ସୂଚନା ମିଳିଛି। ମାର୍ଚ୍ଚ ଶେଷ ସପ୍ତାହରେ ନିର୍ବାଚନ କମିସନ ସଦସ୍ୟମାନେ କର୍ଣ୍ଣାଟକ ଗସ୍ତରେ ଯିବାର କାର୍ଯ୍ୟକ୍ରମ ରହିଛି। ୨୨୪ ଆସନ ବିଶିଷ୍ଟ କର୍ଣ୍ଣାଟକ ବିଧାନସଭାର କାର୍ଯ୍ୟକାଳ ଚଳିତବର୍ଷ ମେ’ ୨୮ ସୁଦ୍ଧା ପୂରିଯାଉଛି। ବର୍ତ୍ତମାନ କଂଗ୍ରେସ ଦଳ ସେଠାରେ କ୍ଷମତାସୀନ ଥିବାବେଳେ ବିଜେପି କ୍ଷମତା ଅକ୍ତିଆର କରିବାକୁ ଜୋରଦାର ପ୍ରସ୍ତୁତି ଆରମ୍ଭ କରିଛି।
