୧୯୯୯ ମସିହା ଜୁଲାଇ ୨୬ ତାରିଖରେ ଭାରତୀୟ ସେନା ପାକିସ୍ତାନ ସେନାକୁ ପରାସ୍ତ କରି କାର୍ଗିଲ ଯୁଦ୍ଧରେ ବିଜୟ ହାସଲ କରିଥିଲା। ତେଣୁ ପ୍ରତ୍ୟେକ ବର୍ଷ ୨୬ ଜୁଲାଇକୁ ‘କାର୍ଗିଲ ବିଜୟ ଦିବସ’ ଭାବେ ପାଳନ କରାଯାଏ। ଏହି ଦିନ ଭାରତୀୟ ସେନାର ବୀରତ୍ୱର ଗାଥାକୁ ଉଜ୍ଜୀବିତ କରିଥାଏ। ଏହି ଯୁଦ୍ଧ ପାକିସ୍ତାନ ଆରମ୍ଭ କରିଥିଲା। ୩ ମେ’ ୧୯୯୯ରେ ଆରମ୍ଭ ହୋଇଥିବା ଏହି ଯୁଦ୍ଧର ଅନ୍ତ ପ୍ରାୟ ୩ ମାସ ପରେ ୨୬ ଜୁଲାଇ ୧୯୯୯ରେ ଭାରତର ବିଜୟ ସହ ହୋଇଥିଲା। ଏହି ଯୁଦ୍ଧ ଏବଂ ଭାରତୀୟ ସେନାର ବୀରତ୍ୱର ଗାଥା ଓ ବଳିଦାନକୁ ପ୍ରତ୍ୟେକ ଭାରତବାସୀ ଗର୍ବର ସହ ପ୍ରତି ବର୍ଷ ମନେ ପକାଇଥାଆନ୍ତି।
୨୬ ଜୁଲାଇକୁ ସାରା ଭାରତ ବର୍ଷରେ କାର୍ଗିଲ ବିଜୟ ଦିବସ ଭାବେ ପାଳନ କରାଯାଉଛି। କାର୍ଗିଲ ବିଜୟର କିଛି ଗୁରୁତ୍ୱପୂର୍ଣ୍ଣ କଥା –
ପ୍ରାୟ ୧୮ ହଜାର ଫୁଟ୍ ଉଚ୍ଚତା ଉପରେ କାରଗିଲରେ ଯୁଦ୍ଧ ସେତେବେଳେ ହେଲା, ଯେତେବେଳେ ଜଣେ ଗାଈ ଜଗୁଆଳ ୩ ମେ’ ୧୯୯୯ରେ ଭାରତୀୟ ସେନାକୁ ପାକ୍ର କାର୍ଗିଲ କବ୍ଜା ବିଷୟରେ ସୂଚନା ଦେଲା।
କାର୍ଗିଲର ଉଚ୍ଚ ପାହାଡ଼ ଉପରେ ପାକିସ୍ତାନର ପ୍ରାୟ ୫୦୦୦ ସୈନିକ ପ୍ରବେଶ କରି କବ୍ଜା କରି ନେଇଥିଲେ।
କାର୍ଗିଲ ଯୁଦ୍ଧରେ ଭାରତର ୫୨୭ରୁ ଅଧିକ ଯବାନ ଶହୀଦ ହୋଇଥିବା ବେଳେ ୧୩୦୦ରୁ ଊର୍ଦ୍ଧ୍ବ ଆହତ ହୋଇଥିଲେ।
କାର୍ଗିଲ ଯୁଦ୍ଧ ସମୟରେ ପ୍ରାୟ ୨ ଲକ୍ଷ ୫୦ ହଜାର ଗୁଳି ଚାଳନା କରାଯାଇଥିଲା। ସେହିପରି ୫୦୦୦ ବୋମା ବିସ୍ଫୋରଣ ପାଇଁ ୩୦୦ରୁ ଅଧିକ ମୋର୍ଟାର୍, ତୋପ ଓ ରକେଟ୍ର ବ୍ୟବହାର କରାଯାଇଥିଲା।
ପାକ୍ ସେନାର ଶେଷ ଶିବିର ନଷ୍ଟ କରିବା ପାଇଁ ୨୬ ମେ’ ୧୯୯୯ରେ ଭାରତୀୟ ବାୟୁସେନାକୁ ଆଦେଶ ଦିଆ ଯାଇଥିଲା।
କାର୍ଗିଲ ଯୁଦ୍ଧକୁ ନେଇ ୨୦୦୩ରେ ‘ଏଲ୍ଓସି କାର୍ଗିଲ’ ନାମରେ ଏକ ଚଳଚ୍ଚିତ୍ର ମଧ୍ୟ ମୁକ୍ତିଲାଭ କରିଥିଲା।
କାର୍ଗିଲ ଯୁଦ୍ଧ ସମୟରେ ଅଟଳ ବିହାରୀ ବାଜପେୟୀ ଭାରତର ପ୍ରଧାନମନ୍ତ୍ରୀ ଥିଲେ।
କାର୍ଗିଲ ଯୁଦ୍ଧରେ ପାକିସ୍ତାନକୁ ପରାସ୍ତ କରିବା ପାଇଁ ଭାରତୀୟ ସେନା ‘ଅପରେଶନ ବିଜୟ’ ନାମକ ଏକ ଅଭିଯାନ ଚଳାଇଥିଲେ। ୧୧ ଘଣ୍ଟାର ଯୁଦ୍ଧ ପରେ ଭାରତୀୟ ବାୟୁସେନା ୨୬ ଜୁଲାଇ ୧୯୯୯ରେ କାର୍ଗିଲ ଅଞ୍ଚଳକୁ ପାକିସ୍ତାନଠାରୁ ମୁକ୍ତ କରିଥିଲା।
ସାହସିକତା, ସଂକଳ୍ପ ଓ ବଳିଦାନର ଦିବସ ; କାର୍ଗିଲ ବିଜୟ ଦିବସ
Popular Categories
Previous article
Next article