ଭୁବନେଶ୍ୱର: ହାସ୍ୟାଭିନେତା କପିଲ ଶର୍ମା ଆଜି ନବୀନ ନିବାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରିଛନ୍ତି। ସେ ମୁଖ୍ୟମନ୍ତ୍ରୀଙ୍କ ସହ ସୌଜନ୍ୟମୂଳକ ସାକ୍ଷାତ ଆଲୋଚନା କରିଥିବା ଜଣାପଡିଛି। ପ୍ରାୟ ୧ ମାସରୁ ଅଧିକ ସମୟ ହେବ କପିଳ ଶର୍ମା ଅଭିନେତ୍ରୀ ତଥା ନିର୍ଦ୍ଦେଶିକା ନନ୍ଦିତା ଦାସଙ୍କ ନିର୍ଦ୍ଦେଶନାରେ ଏକ ଚଚ୍ଚଚିତ୍ରର ସୁଟିଂ କରୁଛନ୍ତି ଓ ଏହି ଚଚ୍ଚଚିତ୍ରର ସୁଟିଂ ଭୁବନେଶ୍ୱରରେ ଚାଲିଥିବା ଜଣାପଡିଛି। ଆଜି ମୁଖ୍ୟମନ୍ତ୍ରୀଙ୍କ ସହ ସାକ୍ଷାତ ସମୟରେ ନନ୍ଦିତା ଦାସ ମଧ୍ୟ ଉପସ୍ଥିତ ଥିଲେ।
ନନ୍ଦିତା ଦାସଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ କପିଲ ଶର୍ମା ଜଣେ ଡେଲିଭରୀ ବୟ ଭୂମିକାରେ ଅଭିନୟ କରୁଥିବା ଦେଖିବାକୁ ମିଳିଛି। ଏହି ସୌଜନ୍ୟମୂଳକ ସାକ୍ଷାତ ସମୟରେ ଫାଇଭ ଟି ସଚିବ ଭି.କେ ପାଣ୍ଡିୟାନ ଉପସ୍ଥିତ ଥିଲେ।
- Advertisement -
